ភ្នំពេញ៖ កាលពីព្រឹកមិញនេះពិធីមង្គលការបងស្រីរបស់តារាសម្តែងស្រីមុខដូចកូនកាត់ កញ្ញាម៉ាក សែនសូនីតា ហៅតូតា បានធ្វើឡើងទៅយ៉ាងអធិកអធម និងមានការចូលរួមពីភ្ញៀវកិត្តិយសជាច្រើន។
នៅក្នុងនោះដែរ ក៏មានការចូលរួមពីគូស្នេហ៍របស់តារារូបនេះ គឺ លោក ប៉ុល វិបូ ជាម្ចាស់ផលិតកម្ម Angkor picture ដែលអ្នកទាំងពីរកំពុងតែមើលចិត្តគ្នា ស្របពេលដែលមហាជនជាច្រើនរង់ចាំដំណឹងល្អពីពួកគេ។
ជាក់ស្តែង នៅក្នុងពិធីមង្គលការបងស្រីរបស់នាង ឃើញថាប្រព្រឹត្តទៅពោរពេញដោយភាពសប្បាយរីករាយ តារារូបនេះ ក៏បានបង្ហោះនូវរូបភាព ជាមួយនឹងសារមួយថា«បងប្អូនចាប់ផ្តើមរៀបការបណ្តើរៗហើយនោះ.....» ជាមួយនឹងការតុបតែងខ្លួនយ៉ាងស្រស់ស្អាត និងគូស្នេហ៍ស្លៀកសម្លៀកបំពាក់ពណ៌ស្រដៀងគ្នា មើលទៅពិតជាស្រស់ស្អាត និងសាកសមគ្នាមែនទែន។
គ្រាន់តែឃើញយ៉ាងដូច្នោះ កញ្ញាគង់ វង្សយ៉ាទី ក៏ចូលមក Comment បង្អាប់នាងថា«ចុះបិុុឯងចាំអង្កាល់» កញ្ញាតូតាមិនបង្អង់យូរក៏និយាយថា«ចាំឲ្យកញ្ញា យ៉ាទី រៀបការមុន» ។
លើសពីនេះ អ្នកគាំទ្រជាច្រើនក៏បានអបអរបងស្រីរបស់នាងនៅក្នុងថ្ងៃមង្គលការ និងរង់ចាំមើលភាពផ្អែមល្ហែមពីកញ្ញាតូតា និងគូស្នេហ៍ថែមទៀត ព្រោះថាតារារូបនេះមិនសូវបង្ហោះរូបភាពតែពីរនាក់ នៅក្នុងបណ្តាញសង្គមដូចគូស្នេហ៍ផ្សេងនោះទេ៕
ចង់ដឹងថា កញ្ញាតូតា តែងខ្លួនស្រស់ស្អាត និងសមគ្នាជាមួយគូស្នេហ៍យ៉ាងណានោះ សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]