រកណាបាន ដេវីត សុខចិត្ត យកអាវដែលមានឈ្មោះហ្វេន និងមានប្រឡាក់ មកសម្ដែងក្នុងបទថ្មី! (មានវីដេអូ)

ភ្នំពេញ៖ កម្លោះសង្ហា ដែលជាដៃគូចម្រៀងយ៉ាងសាកសមជាមួយកញ្ញា ទេព បូព្រឹក្ស  លោក ងួន ចាន់ដេវីត កំពុងទទួលបាន ប្រជាប្រិយភាពយ៉ាងខ្លាំង ពីសំណាក់មិត្តៗយុវវ័យ តាមរយៈស្នាដៃការនិពន្ធ បទភ្លេងថ្មី។

ជាក់ស្ដែង កាលពីយប់មិញនេះដែរ ខាងផលិតកម្មហង្សមាស ដែលជាទ្រនំរបស់លោក  ក៏បានបង្ហោះបទថ្មី «អន្ទិតឆើត» លើបណ្ដាញសង្គម ដែលជាការបកស្រាយពី កញ្ញា​ ទេព បូព្រឹក្ស និងនិពន្ធដោយ ដេវីត ហើយជាពិសេស គ្រាន់តែផុស ភ្លាម ក៏មានអ្នកគាំទ្រ ចូលរួមទស្សនា ភ្លែតតែម្ដង ។

ជាងនេះទៅទៀត អ្វីដែលគួរឲ្យចាប់អារម្មណ៍នោះ ក្នុងការសម្ដែងបទថ្មីនេះ ដេវីត សុខចិត្ត ពាក់អាវដែលមានឈ្មោះហ្វេន មកចូលរួមសម្ដែង ដោយមិនប្រកាន់ មានស្នាមគូស ឬប្រឡាក់ឡើយ ដើម្បីបញ្ជាក់ពីទឹកចិត្ត នៃការតបស្នងដែលពួកគេ បានស្រលាញ់ចូលចិត្ត រូបលោក  ។

ទង្វើនេះបានធ្វើឲ្យ ហ្វេនរបស់លោកផ្ទាល់ រំភើបចិត្តមិនស្ទើរនោះទេ ព្រោះតែមិននឹកស្មានថា  ដេវីត ហ៊ានធ្វើរឿងបែបនេះជួូនអ្នកគាំទ្រ ហើយនេះក៏ជារឿងមួយដែលគេគ្រប់គ្នា កម្រឃើញ មានតារាណា ធ្វើដូច្នេះដូច ដេវីត ខ្លាំងណាស់ ៕

ចង់ជ្រាបច្បាស់ ទស្សនាវីដេអូ​ខាងក្រោម៖ 

• ងួន ចាន់ដេវីត
• វីដេអូ
• តារាខ្មែរ