ត្រូវជាអ្វីនឹងគ្នា? ស៊ីន យូប៊ីន បណ្តើរ ខាត់ វ៉ៃហាំង ទៅញ៉ាំអាហារពេលល្ងាច ជាមួយបងប្អូននាង

ភ្នំពេញ៖ បច្ចុប្បន្នតារាសម្តែងស្រីវ័យក្មេង ស៊ីន យូប៊ីន និងតារាសម្តែងលោក ខាត់ វ៉ៃហាំង ទទួលបាននូវប្រជាប្រិយភាព ព្រមទាំងមានកេរ្តិ៍ឈ្មោះបោះសម្លេងនៅក្នុងវិស័យសិល្បៈយ៉ាងខ្លាំង តាមរយៈការសម្តែងខ្សែភាពយន្តខ្មែរថ្មីៗជាមួយគ្នាជាច្រើនរឿងបន្តបន្ទាប់គ្នា។

តារាសម្តែងប្រុសស្រីទាំងពីរដួងនេះ ក៏ត្រូវបានអ្នកគាំទ្រសរសើរថាសមគ្នាយ៉ាងខ្លាំងផងដែរ ព្រោះពេលសម្តែងរឿង ឬពេលទៅណាមកណាម្តងៗ គេតែងឃើញកញ្ញា ស៊ីន យូប៊ីន និងលោក ខាត់ វ៉ៃហាំង បណ្តើរគ្នាយ៉ាងត្រសងប្រៀបដូចជាគូស្នេហ៍មួយគូយ៉ាងស្អិតរមួតដូច្នោះដែរ។

ជាក់ស្តែងកាលពីយប់មិញនេះ តារាសម្តែងកញ្ញា ស៊ីន យូប៊ីន និិងលោក ខាត់ វ៉ៃហាំង ក៏បានបណ្តើរគ្នាយ៉ាងត្រសង ទៅទទួលទានអាហារពេលល្ងាចជាមួយគ្នា រួមនឹងបងប្អូនរបស់ខ្លួនយ៉ាងសប្បាយរីករាយ ដែលជាការស្វាគន៍ពួកគេ ទើបតែមកពីក្រៅប្រទេស។

នេះហាក់ដូចជាបានបង្ហាញថា កញ្ញា ស៊ីន យូប៊ីន និិងលោក ខាត់ វ៉ៃហាំង កាន់តែបង្កើននូវទំនាក់ទំនងជាមួយគ្នា កាន់តែស៊ីជម្រៅខ្លាំងឡើងៗ លើសពីពាក្យថាមិត្តភាពហើយ ដែលពួកគេធ្លាប់បានអះអាងប្រាប់អ្នកគាំទ្រយ៉ាងដូច្នេះ កាលពីពេលកន្លងទៅ៕

ទស្សនាកម្រងរូបភាពខាងក្រោម ដោយមេត្រី៖ 

• ស៊ីន យូប៊ីន
• ខាត់ វ៉ៃហាំង
• តារាខ្មែរ