ភ្នំពេញ៖ ក្រុមជើងឯកលីកកំពូលកម្ពុជា បឹងកេត នឹងត្រូវបើកទ្វារពហុកីឡដ្ឋានជាតិ ស្វាគមន៍ក្រុម Shan United របស់ប្រទេសមីយ៉ាន់ម៉ា នៅវេលាល្ងាចនេះ វេលាម៉ោង ៦និង៣០នាទី វគ្គសន្សំពិន្ទុតាមពូល នៃពានរង្វាន់ AFC Cup ។
ក្រុមដែលមានរហស្សនាម នាគបៃតង នឹងព្យាយាមធើ្វយ៉ាងណាដើម្បីទទួលបាន ៣ពិន្ទុ ជាលើកដំបូង សម្រាប់រក្សាខ្លួនក្នុងពានរង្វាន់មួយនេះ ជាបន្ដទៀត បន្ទាប់ពីការប្រកួតដំបូង ពួកគេភ្លាត់ចាញ់ Ceres-Negros ក្រៅដីដល់ទៅ ៩-០។
ចំណែកឯក្រុម Shan United វិញ ក្នុងការប្រកួតដំបូង ក៏ពួកគេធើ្វមិនបានល្អដែរ ពោលគឺ បានចាញ់ក្រុមមកពីប្រទេសសិង្ហបុរី Home United ក្នុងលទ្ធផល ១-០ ។
គួរឲ្យដឹងថា កីឡាករសំខាន់មួយចំនួន របស់ក្រុមបឹងកេត មានដូចជា Julius Oiboh និង Gbenga Samuel ដែលខកខានក្នុងការប្រកួតដំបូង ដោយសារបញ្ហា Visa នោះ នឹងអាចចូលលេងបានវិញក្នុងការប្រកួតល្ងាចនេះ។
ដូច្នេះ ចាំមើលថាតើក្រុមបឹងកេត អាចទទួលបាន ៣ពិន្ទុ ជាលើកដំបូង នៅពេលដែលពួកគេស្វាគមន៍ក្រុម Shan United បានដែរ ឫយ៉ាងណា?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]