ខេត្តបាត់ដំបង ៖ បុរសពោះម៉ាយម្នាក់ត្រូវកូនប្រុសប្ដឹងឲ្យសមត្ថកិច្ចចាប់ខ្លួនក្រោយពីតាមទាន់ឪពុកតិរច្ឆានរបស់ខ្លួនចាប់ប្អូនស្រីអាយុ១៤ឆ្នាំ រំលោភនៅក្រោយផ្ទះ កាលពីវេលាម៉ោង១០និង១០នាទីយប់ថ្ងៃទី១០ មីនា ដែលស្ថិតក្នុងស្រុកសង្កែ។
មន្រ្តីនគរបាលស្រុកសង្កែបានឲ្យដឹងថា ជនត្រូវចោទឈ្មោះរុន ចក់ អាយុ៥៥ឆ្នាំ ជាបុរសពោះម៉ាយនៅស្រុកខាងលើ ដែលមានកូនប្រុសស្រី២នាក់នៅក្នុងបន្ទុក។ នៅថ្ងៃកើតហេតុជននេះបានចាប់កូនស្រីរបស់ខ្លួនឈ្មោះ រ.រ.ស អាយុ១៤ឆ្នាំ រំលោភរហូតបានសម្រេច ហើយត្រូវបានកូនប្រុសឈ្មោះរុន សុខគារ អាយុ២២ឆ្នាំ មកទាន់ក៏ប្ដឹងសមត្ថកិច្ចឲ្យចាប់ខ្លួនឪពុកគម្រក់នេះ។ នៅក្នុងសំណុំរឿងយុវជនរុន សុខគារ បានប្រាប់ឱ្យដឹងថា ក្នុងយប់នោះពេលខ្លួនមកពីដើរលែងវិញខ្លួនបានស្រែកហៅប្អូនស្រី តែមិនឮឆ្លើយ ហើយគ្រានោះខ្លួនបានដើរទៅខាងក្រោយផ្ទះ ស្រាប់តែប្រទះឃើញប្អូនស្រីដើរមក។ ប្រភពបន្តទៀតថា ដំបូងប្អូនស្រីបានព្យាយាមកុហក ប៉ុន្តែពេលខ្លួនឃើញមានដី និងសំរាមជាប់សក់ក្បាលប្អូន ទើបមានការសង្ស័យក៏នាំប្អូនទៅឲ្យម្ដាយមីងជួយពិនិត្យ។ ប្រភពបានបញ្ជាក់ថា ពេលម្ដាយមីង សួរនាំ ទើបប្អូនស្រីនិយាយប្រាប់ថា ឪពុករបស់ខ្លួនចាប់រំលោភនៅខាងក្រោយផ្ទះ ហើយខ្លួនក៏ទៅប្ដឹងសមត្ថកិច្ចឲ្យចាប់តែម្តង ។
ក្រោយពេលចាប់ខ្លួនជនសង្ស័យបានសារភាពអំពីកំហុសរបស់ខ្លួនទាំងអស់នៅចំពោះមុខសមត្ថកិច្ច។ ជនសង្ស័យបានសារភាពថា គ្រានោះខ្លួនស្រវឹងស្រា ហើយនឹកឃើញចង់រួមរ័កក៏បបួលកូនស្រីទៅខាងក្រោយផ្ទះចាប់នាងរំលោភតែម្ដង ព្រោះពោះម៉ាយជាង១០ឆ្នាំហើយ។ បុរសអគតិរូបនេះបានសារភាពទៀតថា ខ្លួនធ្លាប់ចាប់កូនស្រីរំលោភបានសម្រេចចំនួន៣ដងទាំងលើកនេះ ប៉ុន្តែមិនបានចាំពេលវេលាពីរលើកមុនទេ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
