ពេជ្រ ថៃ ធ្វើឲ្យម្តាយខ្លួនស្រក់ទឹកភ្នែក ចំពោះមុខមនុស្សជាច្រើន ដោយសារតែខ្លួននិយាយបែបនេះ (មានវីដេអូ)

ភ្នំពេញ៖ ស្របពេលនឹងភាពជោគជ័យនៅក្នុងពិភពសិល្បៈរបស់តារាចម្រៀងវ័យក្មេង និងជាម្ចាស់ពានរង្វាន់ The Voice Kids ពេជ្រ ថៃ បានធ្វើឲ្យមហាជនជាច្រើនស្រលាញ់ ពេញចិត្ត និងគាំទ្រយ៉ាងខ្លាំងពីមួយថ្ងៃទៅមួយថ្ងៃ។

បច្ចុប្បន្ន ឃើញថាតារារូបនេះ ពិតជាខិតខំប្រឹងប្រែងមិនថាយប់ថ្ងៃ ក្រោយពីបានក្លាយទៅជាតារាចម្រៀងដ៏ល្បីមួយរូប។ ដោយឡែកប្រិយមិត្តជាច្រើនប្រាកដជាជ្រាបច្បាស់ហើយថាពេជ្រ ថៃ មិនសូវបានរស់នៅជាមួយម្តាយរបស់ខ្លួន បានច្រើនដូចក្មេងៗដទៃនោះទេគឺប្អូននៅតែជាមួយនឹងជីដូនតែប៉ុណ្ណោះ តែក្រោយមកម្តាយនិងឪពុករបស់ប្អូនប្រុសក៏បានមករស់នៅជួបជុំគ្នាជាមួយគ្រួសារវិញ។

ជាមួយគ្នានេះដែរ កាលពីថ្មីៗនេះ ក៏ឃើញមានវីដេអូមួយដែលពេជ្រ ថៃ ប្អូនបានរៀបរាប់ទាំងអួលដើម.ក ជាមួយនឹងសម្តីចេញពីចិត្ត ប្រាប់ទៅកាន់ម្តាយថា៖ ប្អូនចង់ឲ្យម្តាយឪពុករបស់ខ្លួននៅជាមួយខ្លួនជារៀងរហូត មិនចង់ឲ្យឃ្លាតឆ្ងាយពីខ្លួនទេ ហើយប្អូននឹងសន្យាថា ប្អូននឹងខំប្រឹងប្រែងរកលុយដើម្បីចិញ្ចឹមគាត់ និងជីដូនដែលនៅឯផ្ទះ។

តាមរយៈពាក្យសម្តីដែលប្អូនបាននិយាយចេញមកនេះ ធ្វើឲ្យម្តាយនិងឪពុករបស់ខ្លួន ស្រក់ទឹកភ្នែកនៅមុខមហាជនជាច្រើន ដែលមិននឹកស្មានថាកូនប្រុសរបស់ខ្លួននៅក្មេងសោះ តែចេះគិតវែងឆ្ងាយមិនចាញ់មនុស្សធំ៕

ចង់ជ្រាបច្បាស់ សូមទស្សនាវីដេអូខាងក្រោមនេះ៖ 

• ពេជ្រ ថៃ
• វីដេអូ
• តារាខ្មែរ