រាជធានីភ្នំពេញ ៖ ក្រោយពីបែកធ្លាយនូវរូបភាពអាសអាភាសតាមរយៈវីដេអូឃ្លីបមួយធ្វើឱ្យមានការភ្ញាក់ផ្អើលយ៉ាងខ្លាំងកាលពីប៉ុន្មានថ្ងៃមុននេះ កម្លាំងគណៈកម្មាធិការចម្រុះមួយក្រុមដែលដឹកនាំដោយលោកស្រី កែវ សុគន្ធា ព្រះរាជអាជ្ញារងអមសាលាដំបូង រាជធានីភ្នំពេញ លោកស្រី គឹម សុវណ្ណា ប្រធានមន្ទីរទេសចរណ៍រាជធានីភ្នំពេញ លោក ព្រុំ សំខាន់ អភិបាលខណ្ឌចំការមន បានចុះធ្វើការត្រួតពិនិត្យ និងបិទខារ៉ាអូខេ កូឡូសូ (Coloso KTV) ទាំងយប់ ។ ការចុះមកបិទទីតាំងខារ៉ាអូខេនេះដែរ បានធ្វើឡើងកាលពីវេលាម៉ោង០៨និង០០នាទីយប់ ថ្ងៃទី២៣ ខែកុម្ភៈ ឆ្នាំ២០១៨ នៅហាងខារ៉ាអូខេឈ្មោះ កូឡូសូ (Coloso KTV) ដែលមានទីតាំងផ្ទះលេខ១៧ ផ្លូវលេខ៣៦០ ក្នុងសង្កាត់បឹងកេងកងទី៣ ខណ្ឌចំការមន ។
លោក ព្រុំ សំខាន់ អភិបាលខណ្ឌចំការមន បានប្រាប់ឱ្យដឹងថា ក្រោយពីបែកធ្លាយនូវរូបភាពអាសអាភាសចេញពីហាងខារ៉ាអូខេមួយកន្លែងដែលមានឈ្មោះថា «កូឡូសូ» នេះនៅលើបណ្តាញសង្គមហ្វេសប៊ុក ធ្វើឲ្យមានការភ្ញាក់ផ្អើលយ៉ាងខ្លាំងរួចមក ។ ដោយទទួលបាននូវបទបញ្ជាអំពីសំណាក់ លោក ឃួង ស្រេង អភិបាលសាលារាជធានីភ្នំពេញ ក្រោមការដឹកនាំរបស់ លោកស្រី កែវ សុគន្ធា ព្រះរាជអាជ្ញារងអមសាលាដំបូងរាជធានីភ្នំពេញ លោក ស្រី គឹម សុវណ្ណា ប្រធានមន្ទីរទេសចរណ៍រាជធានីភ្នំពេញ និងរូបលោកផ្ទាល់ ក្នុងនាមអាជ្ញាធរមូលដ្ឋាន រួមមទាំងមន្ត្រីក្រោមឱវាទជាច្រើននាក់ទៀតនោះ បានចុះមកធ្វើការត្រូតពិនិត្យ និងបិទអាជីវកម្មរបស់ហាងខារ៉ាអូខេនេះតែម្តង ។
លោកក៏បានប្រាប់បន្តទៀតថា ក្រោយពីលេចធ្លាយនូវរូបភាពអាសអាភាសមួយចេញពីហាងខារ៉ាអូខេមួយកន្លែង ដែលគេមានការសង្ស័យថា រូបភាពមួយនោះបានចេញពីហាងខារ៉ាអូខេដែលមានយីហោ កូឡូសូ នេះនោះ ទើបរូបលោកបានបង្កើតជាគណៈកម្មការចម្រុះមួយក្រុមចុះមកធ្វើការត្រួតពិនិត្យ និងផ្ទៀងផ្ទាត់ទិដ្ឋភាពក្នុងរូបភាពវីដេអូឃ្លីបមួយនោះ ទើបជបានឃើញថា រូបភាពនេះ គឺបានគេថតចេញពីក្នុងបន្ទប់លេខ៥០១ របស់ហាងខារ៉ាអូខេឈ្មោះ កូឡូសូ នេះប្រាកដមែន ។
ក្រោយពីឆ្លងកាត់ការត្រួតពិនិត្យ និងយករូបភាពអាសអាភាសរបស់វីដេអូឃ្លីបមួយនេះរួចហើយ ដឹងច្បាស់លាស់រួចហើយ នៅក្នុងយប់នេះដែរ កម្លាំងចម្រុះរបស់លោកក៏បានធ្វើការបិទអាជីវកម្មរបស់ហាងខារ៉ាអូខេដែលមានឈ្មោះថា «កូឡូសូ» ដែលមានបន្ទប់ខារ៉ាអូខេសរុបចំនួន៣៤បន្ទប់ ទាំងស្រុងផងដែរ ដោយចាប់ផ្តើមពីម៉ោង១១យប់ ថ្ងៃទី២៣ ខែកុម្ភៈ ឆ្នាំ២០១៨ នេះតទៅតែម្តង ។
ជាចុងក្រោយ លោកអភិបាលខណ្ឌ ក៏បានធ្វើការអំពាវនាវទៅដល់បណ្តារហាងខារ៉ាអូខេ និងក្លឹបកម្សាន្តទាំងអស់ដែលនៅក្នុងមូលដ្ឋានរបស់លោក ធ្វើយ៉ាងណាសុំកុំឲ្យមានសកម្មភាពអាសអាភាសកើតមានឡើងដូចនៅក្នុងខាងខារ៉ាអូខេឈ្មោះ «កូឡូសូ» មួយនេះឲ្យសោះ ប្រសិនបើមានសកម្មភាពបែបបនេះ ក្នុងនាមរូបលោកជាអាជ្ញាធរមូលដ្ឋាន នឹងចុះទៅបិទភ្លាមៗមិនខាន ។
គួរបញ្ជាក់ថា ហាងខារ៉ាអូខេដែលមានយីហោ «កូឡូសូ» នេះដែរ គឺជាហាងខារ៉ាអូខេដ៏ធំមួយ ដែលមានទីតាំង និងច្រកចូលបានទាំងមុខក្រោយ ដោយខាងមុខនៅតាមបណ្តោយផ្លូវលេខ៣៦០ និងខាងក្រោយនៅលើផ្លូវលេខ៣៥០ និងច្រកតាមបណ្តោយផ្លូវលេខ១០៥ (តាមបណ្តោយប្រឡាយ) ក៏មានក្នុងសង្កាត់បឹងកេងកងទី៣តែមួយ ។
ក្នុងពេលដែលគណៈកម្មាធិការចុះទៅធ្វើការបិទទីតាំងខាងខារ៉ាអូខេខាងលើនេះ ដោយមានការចូលរួមអំពីសំណាក់កងកម្លាំងនគរបាល និងកងរាជអាវុធហត្ថជាច្រើននាក់ទៀតនោះ បានបង្កឱ្យមានការភ្ញាក់ផ្អើលយ៉ាងខ្លាំងទៅដល់ភ្ញៀវដែលចូលទៅកម្សាន្ត និងក្រុមនារីដែលបម្រើការងារនៅក្នុងខារ៉ាអូខេនោះ នាំគ្នាចេញប្រសេកប្រសាចទាំងតាមទ្វារមុខ ទាំទ្វារក្រោយ និងទ្វារចំហៀងក៏មានដែរ ។
មុនឈានទៅដល់ការចុះមកបិទអាជីវកម្មហាងខារ៉ាអូខេយីហោ «កូឡូសូ» របស់អាជ្ញាធរនេះដែរ គឺធ្វើឡើងក្រោយពីបែកធ្លាយនូវរូបភាពអាសអាភាសតាមរយៈរូបភាពវីដេអូឃ្លីបមួយដោយគេបានឃើញថា មាននារីដែលមានសម្រស់ស្រស់ស្អាតផូរផង់ម្នាក់ បានឈររាំស្លៀកខោខ្លី ដោយដោះអាវអាក្រាតកាយនៅល្វែងខាងលើបញ្ចេញសុដន់ សាច់សខ្ចី និងថែមទាំងមិនមានការអៀនខ្មាស់ណាបន្តិចឡើយ មិនតែប៉ុណ្ណោះក៏ថែមទាំងមានបុរសជាភ្ញៀវម្នាក់មកឈររាំឱបពីក្រោយ យ៉ាងស្រើបស្រាលទៀតផង ។ ដោយរូបភាពនេះត្រូវបានធ្វើឲ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គមហ្វេកប៊ូក និងនាំគ្នាស៊ែរចែកបន្តគ្នារហូតឈានទៅដល់កម្លាំងអាជ្ញាធរខណ្ឌចំការមនបើកការស្រាវជ្រាវរកឃើញ និងបង្កើតគណៈកម្មាធិការចម្រុះចុះមកបិទទាំងយប់តែម្តង ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]