រាជធានីភ្នំពេញ ៖ ជប៉ុនបានក្លាយជាទីផ្សារដ៏ធំមួយផងដែរ នៅក្នុងវិនិយោគនៅកម្ពុជា ខាងផ្នែកអចលនទ្រព្យ និងសំណង់ធំៗដូចជាផ្សារទំនើបល្បីៗនៅកម្ពុជា ផ្សារអេអនម៉ល និងផ្សារធំៗជាច្រើនទៀតដែលកំពុងតែដំណើរការសាងសង់ រៀបនឹងដំណើរការក្នុងពេលខាងមុខ។

គួរឱ្យដឹងផងដែរថា ការវិនិយោគ និងចុះបញ្ជីគម្រោងវិនិយោគរបស់ប្រទេសជប៉ុនមកទល់នឹងពេលនេះ មានចំនួនទាំងអស់ ១៣០គម្រោង គិតជាទុនវិនិយោគសរុបប្រមាណជា ១,៦ប៊ីលានដុល្លារសហរដ្ឋអាមេរិច។

ផ្សរអេអនម៉លភ្នំពេញ ​ជាគម្រោងវិនិយោគរបស់ប្រទេសជប៉ុន

ក្នុងចំណោមទាំង ១៣០គម្រោងនេះ ជប៉ុនបានវិនិយោគទៅលើវិស័យមួយចំនួនជាច្រើនមានដូចជា វិស័យអចលនទ្រព្យ ធនាគារ ឧស្សាហកម្ម សេវាកម្ម និងហេដ្ឋារចនាសម្ព័ន្ធនានជាច្រើនមុខផ្សេងទៀត ។ សម្រាប់នៅក្នុងឆ្នាំ២០១៧កន្លងទៅនេះ ជប៉ុនមានគម្រោងវិនិយោគចំនួន៩ ដោយប្រើទុនវិនិយោគសរុបប្រមាណជាជាង ៦៣លានដុល្លារសហរដ្ឋអាមេរិចប៉ុណ្ណោះ ។ ដោយក្នុងនោះមានគម្រោងទាំងនោះ មានការវិនិយោគ ៨ បានជ្រើសទីតាំងក្នុងតំបន់សេដ្ឋកិច្ចពិសេសសំខាន់ៗ ដែលនឹងលេចចេញជារូបរាងនៅពេលខាងមុខនេះ ។

អ្វីដែលគួរឱ្យកត់សម្គាល់នោះ ជប៉ុនបានចូលរួមចំណែកយ៉ាងច្រើននៅក្នុងការជួយផ្តល់កំណើនខាងសេដ្ឋកិច្ចនៅកម្ពុជាជាច្រើនផ្នែក ជាពិសេសគឺបានជួយបង្កើតការងារជាច្រើនដល់ប្រជាជនកម្ពុជា៕  

មិត្តភាពជប៉ុន ​កម្ពុជា

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក Khmerhome និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]