ព្រះសីហនុ៖ កាលពីយប់មិញនេះវេលាម៉ោង ១១ និង ៤០ នាទីយប់ អគ្គិភ័យបានឆាបឆេះយ៉ាងខ្លាំង នៅក្នុងក្លឹបកម្សាន្ត LV ដែលស្ថិតនៅភូមិ ៣ សង្កាត់ ៤ ក្រុងព្រះសីហនុ ហើយនៅវេលាម៉ោង ២ រំលងអាធ្រាត្រឈានចូលថ្ងៃទី ២២ កុម្ភៈ ទើបភ្លើងបានរលត់ទៅវិញ ក្រោមការជួយអន្តរាគមន៍ដោយសមត្ថកិច្ចពន្លត់អគ្គិភ័យ។
ហេតុការណ៍ភ្លើងឆេះនេះ ក៏បានបណ្តាលឱ្យតារាចម្រៀងប្រុសម្នាក់ ដែលមានឈ្មោះថា ប៊ូ ចាន់ណាក់ ហៅ វេហា ដែលមានមុខរបរជាអ្នកចម្រៀងប្រចាំក្លឹប LV ខេត្តព្រះសីហនុ រងរបួសធ្ងន់ធ្ងរផងដែរ ដោយត្រូវភ្លើងឆេះសុះសាច់ ស្របពេលដែលរូបលោកកំពុងតែច្រៀងនៅក្នុងក្លឹបកម្សាន្តមួយនេះ។
ក្រោយកើតហេតុលោក ប៊ូ ចាន់ណាក់ ក៏ត្រូវបានគេដឹកបញ្ជូនមកកាន់រាជធានីភ្នំពេញ ដើម្បីសង្គ្រោះអាយុជីវិតភ្លាមៗផងដែរ។
គួរឱ្យដឹងផងដែរថា តាមការសន្និដ្ឋានរបស់ប៉ូលិស ហេតុការណ៍ឆេះក្លឹបកម្សាន្ត LV នេះគឺបណ្តាលមកពីការឆ្លងចរន្តអគ្គិសនី៕
Credit Page: សិល្បករកម្ពុជា
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]