នៅខណៈដែលការមកដល់នៃរថយន្ត Rolls-Royce ម៉ូដែល Cullinan កាន់តែខិតចូលជិតនោះ ការរៀបចំតុបតែងចុងក្រោយកំពុងតែប្រព្រឹត្តទៅ ហើយនៅសប្ដាហ៍នេះ ក្រុមហ៊ុនរថយន្ត Rolls-Royce ផ្ដល់ឱកាសឲ្យបានឃើញនូវកន្លែងអង្គុយដ៏ល្អបំផុត ។
លើសពីរថយន្ត SUV ឬ Crossover ឬ រថយន្តសម្រាប់ជិះក្នុងផ្លូវលំបាកផ្សេងទៀត ប៉ុន្តែ រថយន្ត Rolls-Royce ម៉ូដែល Cullinan នឹងក្លាយជារថយន្តដែលបើកបរដោយមិនបាច់ប្រឹង និងទៅគ្រប់ទីកន្លែង ដោយផ្ដល់នូវប្រណីតភាពគ្រប់ទិសទី ដែលម្ចាស់របស់ខ្លួនចង់ធ្វើដំណើរទៅ។ ប្រណីតភាពគ្មានដែនកំណត់បែបនេះ នឹងត្រូវបានបង្កើនថែមទៀតតាមរយៈឈុតគ្រឿងបំពាក់ប្រណីតៗ ដែលមានតែអ្នករចនាម៉ូត សិប្បករ និងនិងវិចិត្រករនៅរោងចក្ររបស់រថយន្ត Rolls-Royce ប៉ុណ្ណោះដែលអាចនឹងស្មានដល់ និងបង្កើតបាន។
គ្រឿងបំពាក់ប្រណីតពិតៗដំបូងគេណោះ គឺកន្លែងអង្គុយទស្សនាទេសភាព (Viewing Suite) របស់រថយន្ត Rolls-Royce Cullinan។
កន្លែងអង្គុយរបស់រថយន្ត Rolls-Royce នេះត្រូវបានរចនា និងផលិតឡើងនៅរោងចក្ររបស់ Rolls-Royce ក្នុងទីក្រុង Goodwood ហើយកន្លែងអង្គុយនេះនឹងមានដំណើរការដោយស្វ័យប្រវត្តិ ដោយគ្រាន់តែចុចលើប៊ូតុងមួយប៉ុណ្ណោះ។ ពូកចំនួនពីរដែលបែរទៅក្រោយ ធ្វើពីស្បែកប្រណីតបំផុត និងមានលក្ខណៈទំនើបទាន់សម័យស្រស់ស្អាត ព្រមជាមួយនឹងតុដាក់ស្រា បង្ហាញខ្លួនសន្សឹមៗយ៉ាងសមសួនចេញពីផ្នែកខាងក្រោយរបស់រថយន្ត Cullinan។
ជាមួយនឹងកន្លែងអង្គុយប្រណីត និងមានផាសុកភាពនេះហើយ ដែលម្ចាស់រថយន្ត Cullinan អាចគយគន់ទស្សនីយភាពដ៏ស្រស់ត្រកាលរបស់ពិភពលោក ឬទស្សនាកម្មវិធីកីឡា ឬមើលកូនៗរបស់ខ្លួចូលរួមក្នុងទិវាកីឡាក្នុងសាលារៀនរបស់គេ។
មិនថា អ្នកទៅទីណានោះទេ កន្លែងអង្គុយគយគន់ទេសភាព របស់រថយន្ត Rolls-Royce Cullinan ធានាថា ជាពូកអង្គុយដ៏ល្អបំផុត។
នេះជាវិធីសាស្ត្រដំបូងគេហើយសម្រាប់ឧស្សាហកម្មយានយន្ត ក៏ដូចជាឧស្សាហកម្មផលិតផលប្រណីត ហើយកើតចេញពីការយល់ដឹងយ៉ាងស៊ីជម្រៅអំពីរបៀបរបបរស់នៅ និងការរំពឹងទុករបស់អតិថិជន ដែលយល់ដឹងបំផុតនៅក្នុងពិភពលោក គឺអតិថិជនរបស់រថយន្ត Rolls-Royce។
អគ្គនាយកប្រតិបត្តិរបស់ក្រុមហ៊ុនរថយន្ត Rolls-Royce លោក Torsten Müller-Ötvös បានថ្លែងថា៖
“ចាប់តាំងពីថ្ងៃដំបូងដែលយើងគិតឃើញអំពីរថយន្ត Cullinan យើងបានផ្ដោតលើការផ្ដល់នូវរថយន្ត Rolls-Royce ដែលមានភាពបរិសុទ្ធ និងប្រណីតពិតៗ ដល់អតិថិជនរបស់យើងតាមរយៈគ្រឿងបំពាក់ដ៏ស្រស់ត្រកាល និងគួរឲ្យរំភើបនានា។ សម្រស់របស់កន្លែងអង្គុយគយគន់ទេសភាពរបស់រថយន្ត Cullinan ដែលមានដំណើរការដោយពុំបាច់ប្រឹង ផលិតឡើងដោយការផ្ចិតផ្ចង់ ដោយបំពាក់ដោយស្បែកដែលប្រណីតបំផុត ហើយស៊ីគ្នានឹងផ្ទៃខាងក្នុងរបស់រថយន្ត Cullinan ។ ទាំងអស់នេះហើយ ដែលហាក់បីដូចជាការនាំយកគ្រឿងសង្ហារិមស្រស់ស្អាតទៅ កាន់ទីកន្លែងឆ្ងាយៗបំផុត ហើយទាំងអស់នេះសុទ្ធតែជាតឹកតាងបង្ហាញពីសមត្ថភាពគ្មានគូប្រៀបរបស់អ្នករចនាម៉ូត និងសិប្បករ ផ្នែកច្នៃកុម្ម៉ង់បែប Bespoke នៅឯរោងចក្ររថយន្ត Rolls-Royce។ នេះជាផ្នែកមួយដ៏ស្រស់ស្អាតរបស់គ្រឿងសង្ហារិម ហើយនេះជាកៅអីអង្គុយដែលល្អបំផុត”។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]