ខេត្តបាត់ដំបង ៖ បុរសម្នាក់ខឹងបបួលប្រពន្ធទៅធ្វើកម្មករនៅប្រទេសថៃមិនបានដូចបំណង ក៏ប្រើហិង្សាទៅលើប្រពន្ធរហូតដល់សន្លប់ ហើយស្មានតែប្រពន្ធស្លាប់ក៏រត់ទៅចង.កបញ្ចប់ជីវិតខ្លួនឯង រហូតបានសម្រេច កាលវេលាម៉ោង៥និង៥០នាទីល្ងាច ថ្ងៃទី២១ ខែកុម្ភៈនេះ ដែលស្ថិតនៅក្រុមទី២ ភូមិជាមមន្ត្រី ឃុំត្រែង ស្រុករតនមណ្ឌល ។
មន្ត្រីកងរាជអាវុធហត្ថបានរាយការណ៍ថា បុរសដែលធ្វើអត្ដឃាតខ្លួនឯងឈ្មោះ យ៉ង ប៊ុនធឿន អាយុ៤២ឆ្នាំ រស់នៅភូមិ-ឃុំកើតហេតុខាងលើ ។ មន្ត្រីដដែលបានឲ្យដឹងទៀតថា មុនពេលកើតហេតុបុរសនេះបានផ្ទុះជម្លោះជាមួយប្រពន្ធរហូតធ្វើឲ្យប្រពន្ធសន្លប់ តែស្មានថាប្រពន្ធស្លាប់ ទើបរត់ទៅចង.កសម្លាប់ខ្លួនឯងដែរ ។
បើតាមការបំភ្លឺពីសាច់ញាតិថា ប៉ុន្មានថ្ងៃកន្លងមកមុនពេលកើតហេតុ បុរសជាប្ដីបានព្យាយាមបបួលប្រពន្ធទៅធ្វើការងារនៅប្រទេសថៃ តែប្រពន្ធប្រាប់ថា កុំទាន់អាលទៅដោយរង់ចាំដល់ថ្ងៃទី២៥ខាងមុខនេះសិន ចាំនាំគ្នាទៅ ។ ប្រភពដដែលបានបញ្ជាក់ថា ការខ្វែងគំនិតគ្នារឿងទៅធ្វើការនៅថៃបានបង្កទៅជាជម្លោះភ្លាមៗ ធ្វើឲ្យលោកប្ដីកើតទុក្ខមិនសុខចិត្តក៏ស្ទុះទៅទះកំផ្លៀងប្រពន្ធ និងច្របាច់.ករហូតប្រពន្ធសន្លប់ ។
បន្ទាប់ពីកើតហេតុ សមត្ថកិច្ចបានចុះទៅពិនិត្យសព និងកន្លែងកើតហេតុភ្លាមៗដែរ ។ មន្ត្រីជំនាញបានឲ្យដឹងថា ការធ្វើអត្តឃាតរបស់បុរសនេះ គឺផ្ដើមចេញពីអំពើហិង្សាក្នុងក្រុមគ្រួសារ ។ ទោះជាយ៉ាងណាមន្ត្រីជំនាញបានបញ្ជាក់ថា ជនរងគ្រោះពិតជាធ្វើអត្តឃាតដោយខ្លួនឯងមែន ហើយមន្ត្រីជំនាញបានធ្វើកំណត់ហេតុប្រគល់សពបុរសនោះឲ្យទៅក្រុមគ្រួសារធ្វើបុណ្យតាមប្រពៃណីហើយ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]