ដេននី ក្វាន់ មិនខ្វល់អ្នកណាថាសង្សារនាងបែបណា ក៏នាងនៅតែស្រលាញ់

ភ្នំពេញ៖ ដេននី ក្វាន់ ជាអតីតតារាសម្តែង និងជាតារាមួយរូបដែលមានឈ្មោះល្បីនៅក្នុងបណ្តាញសង្គមផងដែរ ដែលមហាជនជាច្រើនមានការចាប់អារម្មណ៍យ៉ាងខ្លាំង ហើយចូលចិត្តនាងតាមរយៈការជួយសង្គម និងមានចិត្តសប្បុរសធម៌។

ដោយឡែក ក្រោយពីមានភាពលេចធ្លោខ្លាំងនៅក្នុងសង្គមរហូតមកដល់បច្ចប្បន្ន កញ្ញា ដេននី ក្វាន់ ក៏មានមនុស្សជាច្រើនកាន់តែចាប់អារម្មណ៍នឹងការរស់នៅប្រចាំថ្ងៃរបស់នាង មិនថាតែជីវិតដៃគូស្នេហា ក៏ធ្វើឲ្យទស្សនិកជនមានការភ្ញាក់ផ្អើល និង គាំទ្រនាងយ៉ាងខ្លាំងផងដែរ។

ជាក់ស្តែង កាលពីម្សិលមិញ ក៏បានឃើញនាងបង្ហោះរូបភាពមួយសន្លឹកជាមួយនឹង គូដណ្តឹងនៅក្នុងបណ្តាញសង្គមហ្វេសបុករបស់នាង ដោយនាងបានសរសេរថា« គេថាយើងទាំងពីរមិនសមនឹងគ្នាព្រោះខាងប្រុសមិនស្អាតមិនសង្ហា តែសម្រាប់​បេះដូងរបស់ខ្ញុំវិញវាប្រាប់ថាសមគ្នាបំផុតហើយព្រោះយកប្តីក្មេងស្អាតសង្ហារមិនប្រាកដថាផ្តល់ស្នាមញញឹមអោយខ្ញុំបាននោះទេ! សម្រាប់មនុស្សប្រុសម្នាក់នេះស្មគ្រ័ធ្វើគ្រប់យ៉ាងឲ្យតែខ្ញុំមានក្តីសុខមិនខ្វល់ថាគាត់លំបាកយ៉ាងណានោះទេនេះហើយជាចំណុចដែលខ្ញុំចោលគាត់មិនបាន»។

ក្នុងនោះក៏បានធ្វើឲ្យទស្សនិកជនជាច្រើនមានការភ្ញាក់ផ្អើល និងសរសើរនាងមិនដាច់មាត់នៅទ្រឹស្តីដ៏មានន័យរបស់នាង ដែលកម្រនឹងមានមនុស្សស្រីណាដែលស្រលាញ់មនុស្សមិនគិតពីរូបរាង យ៉ាងដូច្នេះ៕ 

• ដេននី ក្វាន់
• តារាខ្មែរ