ស្រីស្រស់ Sririta ហ៊ានណាស់! ចាប់ពស់យ៉ាងធំមួយក្បាល ដាក់លើស្មា ទាំងដែលមានគេស្រែកហាមថា...!

ថៃ៖ កាលពីប៉ុន្មានថ្ងៃមុន  នៅលើបណ្តាញទំនាក់ទំនងសង្គមហ្វេសប៊ុករបស់កំពូលតារាសម្តែងស្រីជើងចាស់នាង Sririta Jansen បានបង្ហោះរូបភាពមួយសន្លឹករបស់ខ្លួន ធ្វើឱ្យអ្នកលេងអ៊ីនស្តារក្រាមជាច្រើន មានភាពភ្ញាក់ផ្អើលយ៉ាងខ្លាំង ពេលដែលឃើញនាងមានភាពក្លាហានដូច្នេះ។

គេឃើញតារាសម្តែងស្រីកូនកាត់ថៃ-ដាណឺម៉ាករូបនេះ បានថតរូបជាមួយនឹងសត្វពស់ពណ៌លឿងមូយក្បាលដ៏ធំ ដោយបានយកមកដាក់នៅលើស្មា ទាំងគ្មានភាពខ្លាចញញើតអ្វីបន្តិចសោះ  ស្របពេលដែលក្រុមការងារដែលនៅក្បែរនោះស្រែកមកប្រាប់ថា ឱ្យប្រយ័ត្នចំពោះសត្វពស់មួយក្បាលនេះ ព្រោះវាមានគ្រោះថ្នាក់។

ប៉ុន្តែមិនទាន់នោះទេ ស្រាប់តែ Sririta Jansen ចាប់កាន់សត្វពស់នេះ មកដាក់នៅលើស្មា ហើយថតរូបបានសម្រេចបាត់ទៅហើយ ព្រមទាំងបង្ហោះក្នុងអ៊ីនស្តារក្រាមថែមទៀតផង ដោយមានអ្នកចុច Like ជាង ១ សែន ៦ ម៉ឺននាក់ឯណោះ។

សំណាងល្អ ដែលមិនមានគ្រោះថ្នាក់អ្វីកើតឡើង មិនដូច្នោះទេប្រាកដជាមានភាពសោកស្តាយកើតឡើងជាក់ជាមិនខានឡើយ។

គួរឱ្យដឹងផងដែរថា ការថតជាមួយសត្វពស់ដ៏ធំមូយក្បាលនេះ គឺជាការថតនៅក្នុងកម្មវិធី The Face Thailand រដូវកាលទី៤ ដែល Sririta Jansen ទើបតែបានទទួលនូវតំណែងជាគណៈកម្មការមួយរូបថ្មីៗ ក្នុងកម្មវិធីដ៏ល្បីនេះផងដែរ៕

ទស្សនារូបភាពដូចខាងក្រោមទាំងអស់គ្នា៖  

• តារាថៃ