បុរសឆ្លងភព ដែលអះអាងធ្វើដំណើរមកពីឆ្នាំ ៥០០០ បានបង្ហាញរូបភាពគួរឲ្យរន្ធត់មួយសន្លឹក (មានវីដេអូ)

អាមេរិក៖ កាលពីសប្តាហ៍មុន បុរសវ័យជំទង់ម្នាក់ ដែលអះអាងថាបានធ្វើដំណើរឆ្លងភព ត្រឡប់មកពីឆ្នាំ ២០៣០ ត្រូវបានធ្វើតេស្តជាមួយនឹងឧបករណ៍ «Lie Detector» ដើម្បីចង់ដឹងថា រូបគេបាននិយាយកុហក ឬជាការពិត។

ឥឡូវនេះ​ ស្រាប់តែមានបុរសម្នាក់ទៀតហើយ បានអះអាងស្រដៀងគ្នាដែរ ថារូបគេ​ពិតជាបានធ្វើដំណើរត្រឡប់មកពីអនាគតកាល ពោលគឺនៅឆ្នាំ ៥០០០។ នេះបើ​យោងតាមការចុះផ្សាយពីសារព័ត៌មានដេលីស្តារ របស់ចក្រភពអង់គ្លេស។

បុរសឈ្មោះ Edward បានផ្តល់បទសម្ភាសន៍ឲ្យឆាណែលយូធូប «Apex TV» ដែលមានអ្នកចុចតាមដាន ឬ Subscribe ប្រមាណជាង ៣ សែននាក់។

នៅក្នុងឃ្លីបវីដេអូមួយ Edward ដែលមិនត្រូវបានបង្ហាញឲ្យស្គាល់មុខ បាននិយាយថា រូបគេធ្លាប់បានបម្រើការងារនៅឯមន្ទីរពិសោធន៍មួយនាទីក្រុង Los Angeles និងត្រូវបានគេចាត់តាំង ឲ្យធ្វើដំណើរឆ្លងភព ទៅកាន់ឆ្នាំ ៥០០០។

ដើម្បីបញ្ជាក់ថាអ្វីដែលរូបគេបាននិយាយ សុទ្ធតែជាការពិត បុរសលាក់មុខរូបនេះ ក៏ដាច់ចិត្ត បង្ហាញរូបភាពមួយសន្លឹក ដែលខ្លួនអះអាងថា បានថតជាប់ក្នុងឆ្នាំ ៥០០០។

អ្វីដែលគួរឲ្យតក់ស្លុតគឺរូបភាព​បានបង្ហាញថា ទីក្រុង Los Angeles របស់សហរដ្ឋ​អាមេរិក ប្រែក្លាយជាទីក្រុងលិចទឹក ដោយសារការរលាយផ្ទាំង​ទឹកកក នៅតំប៉ន់ប៉ូល ជាហេតុបណ្តាលឲ្យ​នីវ៉ូទឹកសមុទ្រកើនឡើង៕

បើចង់ជ្រាបកាន់តែច្បាស់ សូមតាមដានវីដេអូខាងក្រោម៖

• វីដេអូ