ខេត្តឧត្តរមានជ័យ ៖ រឿងរ៉ាវជម្លោះរវាងប្តីប្រពន្ធបន្តិចបន្តួចសោះ មិនគួរដាច់ចិត្តចង.កធ្វើអត្តឃាតខ្លួនចោលប្រពន្ធ និងកូន ហេតុការណ៍នេះបង្កការភ្ញាក់ផ្អើលកាលពីម៉ោងប្រមាណ៧នាទីយប់ ថ្ងៃទី១៦ ខែកុម្ភៈស្ថិតនៅក្នុងភូមិថ្លាត ឃុំថ្លាត ស្រុកអន្លង់វែង។
ជនរងគ្រោះដែលចង.កឈ្មោះ យ៉ម សុខឿន ហៅណាង ភេទប្រុស អាយុ២៥ឆ្នាំ មុខរបរជាអ្នកហៅម៉ូយជិះរថយន្តនៅក្នុងស្រុកអន្លង់វែង មានប្រពន្ធឈ្មោះ សត ស៊ីណា អាយុ២៧ឆ្នាំ ជាមេផ្ទះ មានកូនប្រុសម្នាក់ទើបអាយុ១ខួបកន្លះ រស់នៅក្នុងភូមិ-កើតហេតុខាងលើ។
យោងតាមសម្តីក្រុមគ្រួសារបានឱ្យដឹងថា ជនរងគ្រោះ និងប្រពន្ធទាំង២នាក់ចាប់តាំងពីបានគ្នាជាប្តីប្រពន្ធ ដោយមិនដែលកើតមានជម្លោះឱ្យកត់សម្គាល់នោះទេ រហូតមានកូនប្រុសម្នាក់ ។ ខណៈពេលថ្ងៃសែនចូលឆ្នាំចិន ជនរងគ្រោះបានផឹកស៊ីជាមួយមិត្តភក្តិ ស្រាប់តែប្រពន្ធស្តីបន្ទោស ហើយប្តីបានអង្វរសុំទោសប្រពន្ធដែរ តែប្រពន្ធនៅតែខឹងដោយមិននិយាយរាប់រក ស្រាប់តែសម្រេចចិត្តយកខ្សែគោចង.កជាប់នឹងមែកឈើខាងក្រោយផ្ទះប្រមាណជា៥០ម៉ែត្រស្លាប់តែម្តង ។
សមត្ថកិច្ចស្រុកអន្លង់វែងឱ្យដឹងថា ក្រោយពីក្រុមគ្រួសាររាយការណ៍មកថា មានករណីចង.កធ្វើអត្តឃាត សមត្ថកិច្ចបានចុះទៅដល់កន្លែងកើតហេតុធ្វើការស្រាវជ្រាវ និងពិនិត្យឃើញថា ជនរងគ្រោះពិតជាចង.កធ្វើអត្តឃាតខ្លួនពិតប្រាកដមែន ក្រោយមកសមត្ថកិច្ចក៏ប្រគល់សពទៅឱ្យគ្រួសារធ្វើបុណ្យទៅតាមប្រពៃណី៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
