រាជធានីភ្នំពេញ ៖ អ្នកប្រដាល់សេរីម្នាក់ ត្រូវបានអ្នកលេងកាប់ក្បាលចំនួន៣កាំបិតបុ័ងតោ បណ្តាលឱ្យរងរបួសធ្ងន់ កាលពីវេលាម៉ោង០២ និង២០នាទីចូលថ្ងៃទី១៧ កុម្ភៈ នេះ ស្ថិតនៅចំណុចមុខផ្ទះលេខ៣Eo ផ្លូវ១៣៤ កែវ១០៩ ក្នុងសង្កាត់មិត្តភាព ខណ្ឌ៧មករា រាជធានីភ្នពេញ ។
សេចក្តីរាយការណ៍ឱ្យដឹងថា ជនសង្ស័យត្រូវសមត្ថកិច្ចឃាត់ខ្លួនមានឈ្មោះ កែវ វីត ហៅស្វិត ជាមនុស្សញៀនថ្នាំ ។ រីឯជនរងគ្រោះ ឈ្មោះ សូ សីុន ជាកូនសិស្សរបស់អ្នកប្រដាល់អេ ភូថង បានរងរបួសរយះក្បាលធ្ងន់ធ្ងរ ។
បើតាមប្រភពឱ្យដឹងទៀតថា មុនពេលកើតហេតុ ភាគីជនសង្ស័យមានចំនួន៣នាក់ ដែលសុទ្ធសឹងជាមនុស្សញៀនថ្នាំ ក្នុងនោះជនសង្ស័យម្នាក់បានមកសុំបារីពីជនរងគ្រោះជក់ ។ ក្រោយមក ជនរងគ្រោះមិនទាន់បានឱ្យបារីផង ក៏ធ្វើឱ្យខឹងបានយកកាំបិតប៉័ងតោកាប់ក្បាលជនរងគ្រោះចំនួន៣កាំបិត បណ្តាលឲ្យរងរបួសតែម្តង ។
ភ្លាមនោះ កម្លាំងសមត្តកិច្ចនគរបាលប៉ុស្តិ៍រដ្ឋបាលសង្កាត់មិត្តភាពបានចុះល្បាតទៅទាន់ ក៏អន្តរាគមន៍ចាប់ខ្លួនសង្ស័យតែម្តង ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
