(ភ្នំពេញ)៖ លោក នេត វន្ថា ប្រធាននាយករដ្ឋាននគរបាលបង្ការ ពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិ បានបញ្ជាក់ប្រាប់ Fresh News នៅព្រឹកថ្ងៃទី១៧ ខែកុម្ភៈ ឆ្នាំ២០១៨នេះថា គិតត្រឹមម៉ោង១២៖​០០នាទី វេលាថ្ងៃត្រង់ ថ្ងៃទី១៧ ខែកុម្ភៈ ឆ្នាំ២០១៨នេះ នៅទូទាំងប្រទេសកម្ពុជា មានករណីអគ្គិភ័យកើតឡើងចំនួន០៧លើក នៅក្នុងរយៈពេល៣ថ្ងៃ នៃបុណ្យចូលឆ្នាំថ្មីប្រពៃណីចិន-វៀតណាម។

លោក នេត វន្ថា បានបញ្ជាក់បន្ថែមថា ក្នុងចំណោមអគ្គិភ័យទាំង៧លើកនោះ រួមមាន ឆេះផ្ទះប្រជាពលរដ្ឋចំនួន០៤ខ្នង សាលាឆាន់០១ខ្នង ,ផ្ទះល្វែងចំនួន០២ និងបន្ទប់ជួល៣៤បន្ទប់។ មូលហេតុ ដែលនាំឱ្យមានអគ្គិភ័យនេះ រួមមានដូចជា​ ១៖ ឆ្លងចរន្តអគ្គិសនី០៤ករណី, ២៖ ដុតទានធូប ០២ ករណី និង ៣៖ដុតភ្លើងឆ្អើនំអន្សម១ករណី៕

អគ្គិភ័យឆេះផ្ទះប្រជាពលរដ្ឋចំនួន៧ករណី
អគ្គិភ័យឆេះផ្ទះប្រជាពលរដ្ឋចំនួន៧ករណី

ប្រភព៖ Fresh News

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]