មើលតែរូបប៉ុណ្ណឹង ក៏ដឹងថា Margie ជាកូនប្រសារ ក្នុងគ្រួសារមហាសេដ្ឋីខ្លាំងប៉ុណ្ណាដែរ!

ថៃ៖ នៅក្នុងឱកាសនៃពិធីបុណ្យចូលឆ្នាំថ្មី ប្រពៃណីចិននេះ មានបណ្តាប្រទេសជាច្រើនដែលបានប្រារព្ធធ្វើពិធីនេះ យ៉ាងសប្បាយរីករាយ ដោយពួកគេមានជាប់ខ្សែស្រឡាយជាកូនចៅចិនភាគច្រើន។

ទន្ទឹមនឹងនេះ ខាងក្រុមគ្រួសារលោក Pok ស្វាមីតារាសម្តែងស្រីល្បីឈ្មោះនៅក្នុងសង្គមសិល្បៈអ្នកនាង Margie Rasri ក៏មានជាប់ខ្សែស្រឡាយជាកូនចៅចិនផងដែរ។

ហើយក្នុងឱកាសនៃបុណ្យចូលឆ្នាំថ្មីនេះ ខាងក្រុមគ្រួសាររបស់លោក Pok បានរៀបចំធ្វើពិធីបុណ្យនេះយ៉ាងអធិកអធម ដើម្បីទទួលស្វាគមន៍ឆ្នាំថ្មី ២០១៨ នេះ។

ជាក់ស្តែង ក្នុងឋានៈជាមហាសេដ្ឋីពាន់លាន ក្រុមគ្រួសាររបស់ឪពុកម្តាយក្មេកតារាស្រី Margie Rasri បានរៀបចំពិធីជប់លៀង អបអរសាទរក្នុងក្រុមគ្រួសារ ដើម្បីឱ្យរកស៊ីមានបានយ៉ាងធំដុំ ដោយមានការចែកអាំងប៉ាវ ព្រមទាំងមានការលោតម៉ុងសាយយ៉ាងគគ្រឹកគគ្រេងមិនឱ្យចាញ់គេនោះទេ។

ឃើញរូបដែលបានបង្ហោះ នៅលើអីុនស្តាក្រាមទាំងនេះហើយ ទើបដឹងថា ខាងក្រុមគ្រួសារស្វាមីរបស់ Margie Rasri​ ជាអ្នកមានទ្រព្យស្តុមស្តម្ភខ្លាំងប៉ុណ្ណា។ 

គួរឱ្យដឹងផងដែរថា នេះក៏ជាលើកទី១ផងដែរ សម្រាប់តារាស្រី Margie Rasri ដែលបានចូលរួមក្នុងពិធីចូលឆ្នាំចិន ជាមួយគ្រួសារមហាសេដ្ឋីពាន់លានរបស់ស្វាមី ក្នុងឋានៈជាកូនប្រសារស្រីរូបស្អាត៕

ទស្សនាកម្រងរូបភាពខាងក្រោមនេះដូចតទៅ៖ 

• គ្រួសារ
• រូបភាព
• តារាថៃ