អង់គ្លេស៖ កាលពីដើមខែមករា ក្លិប Arsenal ដែលមានមូលដ្ឋានក្នុងទីក្រុងឡុងដ៍ បានជោគជ័យក្នុងការទិញយកកីឡាករ Pierre-Emerick Aubameyang ពីសំណាក់ក្រុម Borussia Dortmund ។
ដោយឡែក ខណៈពេលដែលមិត្តរួមក្រុមកំពុងតែ ជាប់រវល់កាតព្វកិច្ចធ្វើការប្រកួតក្របខ័ណ្ឌ Europa League កាលពីថ្ងៃព្រហស្បត៍ កីឡាករ Aubameyang ដែលជាខ្សែប្រយុទ្ធចំណូលថ្មី របស់ក្លិបកាំភ្លើងធំ Arsenal បានប្រើប្រាស់ពេលវេលាទំនេររបស់ខ្លួន ក្នុងការស្វែងរកទិញផ្ទះ នៅក្នុងទីក្រុងឡុងដ៍។
ចុងក្រោយ ខ្សែប្រយុទ្ធវ័យ ២៨ឆ្នាំរូបនេះ បានទិញភូមិគ្រឹះមួយ ដែលមានតម្លៃរហូតដល់ទៅជាង ២២លានដុល្លារអាមេរិក ដោយក្នុងនោះរួមមាន បន្ទប់គេងចំនួន៦ បន្ទប់ទឹកចំនួន៦ បន្ទប់ផ្លាស់ប្តូរសម្លៀកបំពាក់ចំនួន៣ បន្ទប់អានសៀវភៅចំនួន១ បន្ទប់ទទួលភ្ញៀវចំនួន១ បន្ទប់ញ៉ាំអាហារចំនួន១ ផ្ទះបាយចំនួន១ និងបន្ទប់អង្គុយលេងចំនួន១ ផងដែរ ៕
ចង់ដឹងថា ភូមិគ្រឹះរបស់កីឡាករបាល់ទាត់រូបនេះ ស្រស់ស្អាតយ៉ាងណានោះ ទស្សនារូបភាពខាងក្រោមនេះទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]