បរទេស៖ ក្រោយបរាជ័យទៅលើក្រុមអធិរាជស Real Madrid ក្នុងលទ្ធផល ៣-១ នៃពានរង្វាន់ Champions League ជើងទី១ វគ្គ១៦ក្រុមចុងក្រោយ កាលពី២ថៃ្ងមុន ពេលនេះប្រធានក្លិប លោក Nasser Al-Khelaif បានប្រកាសជាសាធារណៈថា ក្លិបនឹងមិនលក់ Neymar ទៅក្លិបណាឡើយ ជាពិសេសគឺ Real Madrid តែម្ដង។
រយៈពេលប៉ុន្មានសប្ដាហ៍មកនេះ មានពាក្យចចាមអារ៉ាមជាច្រើន ទាក់ទងទៅនឹង កីឡាករជម្រើសជាតិប្រេស៊ីល រូបនេះ អាចនឹងផ្លាស់ទៅកាន់ក្រុមអធិរាជស Real Madrid ស្របពេលដែលរូបគេ ទើបតែផ្លាស់ពីក្រុម Barcelona មកលេងនៅទឹកដី Paris ក្នុងរដូវកាលនេះប៉ុណ្ណោះ។
ដើម្បីស្រាយមន្ទិលសង្ស័យ លោក Nasser Al-Khelaifi ប្រធានក្លិប PSG បានចេញមុខបញ្ជាក់ជាថ្មីថា អ្វីគ្រប់យ៉ាងគឺជារបស់ PSG ដដែល។ ការនិយាយបែបនេះគឺចង់បញ្ជាក់ប្រាប់ទៅ ក្លិប Real Madrid ថា លោកនឹងមិនលក់ Neymar ឱ្យឡើយ នៅរដូវក្ដៅ បើទោះជាឱ្យតម្លៃខ្លួនប៉ុន្មានក៏ដោយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]