ម៉ាឡេស៊ី៖ បើយោងតាមសារព័ត៌មាន The Star បានចុះផ្សាយឲ្យដឹងថា ចោរសម័យឥឡូវ មានសមត្ថភាពអាច Hack ចូលប្រព័ន្ធសុវត្ថិភាពរបស់រថយន្ត ដែលប្រើតេឡេបញ្ជាបើកសោរ ខណៈបច្ចុប្បន្នករណីនេះ កំពុងកើតមានឡើងនៅក្នុងប្រទេស ម៉ាឡេស៊ី។
ចោរលួចឡានសម័យទំនើប កំពុងប្រើប្រាស់ឧបករណ៍ម៉្យាង (frequency-hacking device) ដែលប្រតិបត្តិការតាមរយៈកំព្យូទ័រ អនុញ្ញាតឲ្យជនល្មើសអាចសម្រេចគោលដៅ ក្នុងរយៈពេលត្រឹមតែប៉ុន្មាននាទីប៉ុណ្ណោះ។
ប្រភពបានឲ្យដឹងថា ឧបករណ៍នេះ ត្រូវបានគេប្រទះឃើញ ដាក់លក់នៅតាមបណ្តាហាងលក់គ្រឿងអេឡិចត្រូនិចមួយចំនួន នៅក្នុងប្រទេសម៉ាឡេស៊ី ព្រមទាំងមានលក់តាមហាងទំនិញអនឡាញផងដែរ។
ឧបករណ៍នេះត្រូវបានជនល្មេើសប្រើប្រាស់ដើម្បី Hack ចូលប្រព័ន្ធសុវត្ថិភាពរបស់រថយន្ត ដោយមិនអនុញ្ញាតឲ្យសម្លេងប្រកាសអាសន្ន (alarm) បន្លឺចេញនោះទេ។
តាមសេចក្តីរាយការណ៍ បានឲ្យដឹងថា ក្រុមជនល្មើសកំពុងបង្កើតបក្សពួក ប្រព្រឹត្តបទល្មើសលួចឡាន តាមរយៈការបង្ហាត់អ្នកចំណូលថ្មី ឲ្យចេះពីរបៀប Hack តាមរយៈកំព្យូទ័រ។
គួរឲ្យដឹងទៀតថា ចំពោះរថយន្ត ដែលប្រើសោរបើកទ្វារវិញ ត្រូវបានគេរាយការណ៍ថា មានសុវត្ថិភាពជាងរថយន្តដែលប្រើតេឡេបញ្ជាផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
