តារាស្រីជើងចាស់ Keo Aphiradi ស្រក់ទឹកភ្នែក ពេលឃើញកូនស្រីជាតារា អោបថើបគ្នា កណ្តាលហ្វូងមនុស្ស (មានវីដេអូ)

ថៃ៖ ថ្មីៗនេះ តារាបង្ហាញម៉ូត Belle lelani ដែលជាតារាមួយដួង ទើបតែឈានជើងចូលប្រឡូកនៅក្នុងវិស័យសិល្បៈតាមម្តាយយ៉ាងក្មេងខ្ចី បានធ្វើឱ្យអ្នកលេងបណ្តាញសង្គមកំពុងមានការចាប់អារម្មណ៍យ៉ាងខ្លាំងទៅលើនាង។

នេះក៏ដោយសារនាងបានធ្លាយរូបភាព បណ្តើរសង្សាររបស់ខ្លួននៅទីសាធារណៈព្រមទាំងធ្វើអំពើដោយអសីលធម៌នៅទីប្រជុំជន ដោយគេបានគិតថានាង និងសង្សារ បានឈរថើបគ្នានៅកណ្តាលហាងសាធារណៈមួយកន្លែងគ្មានភាពអៀន និងត្រូវបានគេថតបានដោយចៃដន្យ។  

ប៉ុន្តែពេលផ្តល់បទសម្ភាសន៍នៅក្នុងកម្មវិធី KuiZapShow របស់ទូរទស្សន៍ប៉ុស្តិ៍លេខ one31 កញ្ញា Belle lelani ក៏បានប្រកែកយ៉ាងដាច់ខាត ព្រមទាំងស្រក់ទឹកភ្នែករហាមថានាង និងសង្សារ មិនបានឱបថើបគ្នាដូចអ្វីដែលឃើញក្នុងរូបភាពនោះទេ វាគ្រាន់តែជារូបភាពចៃដន្យពេលសង្សារនាង យកអ្វីដែលចូលក្នុងភ្នែកនាងចេញតែប៉ុណ្ណោះ។

ចំណែកឯម្តាយរបស់នាងវិញ ដែលជាតារាសម្តែងស្រីជើងចាស់គឺនាង Keo Aphiradi ក៏បានស្រក់ទឹកភ្នែកដែរថា ខូចចិត្តយ៉ាងខ្លាំង នៅពេលដែលមានរូបកូនស្រីខ្លួន និងសង្សារចេញមកដូច្នេះនៅលើបណ្តាញសង្គម ព្រោះនាងអះអាងថាចិញ្ចឹមកូនមកយ៉ាងល្អជានិច្ច និងប្រាប់កូនស្រីជារឿយៗឱ្យយល់ច្បាស់ពីការដើរហើរនៅក្នុងសង្គមខាងក្រៅ ជាពិសេសគឺនៅទីសាធារណៈនេះឯង។

ហើយជាចុងក្រោយតារាស្រីវ័យក្មេងកញ្ញា Belle lelani ក៏បានសម្តែងការខូចចិត្តយ៉ាងខ្លាំង ដែលបានធ្វើឱ្យម្តាយត្រូវខូចចិត្ត ខូចឈ្មោះ រងការប្រមាថពីសង្គម ព្រោះតែរូបភាពខុសឆ្គងរបស់នាង ដែលចេញមកបែបនេះ៕  

ទស្សនារូបភាព និងវីដេអូដូចខាងក្រោម៖

• វីដេអូ
• តារាថៃ