អុីតាលី៖ បព្វជិតជនជាតិរ៉ូមុាំងឈ្មោះ Valentine គឺជាតួអង្គដ៏សំខាន់ម្នាក់ ក្នុងទិវានៃសេចក្តីស្រលាញ់ ដែលត្រូវបានគេប្រារព្ធធ្វើឡើងនាថ្ងៃទី ១៤ កុម្ភៈ ជារៀងរាល់ឆ្នាំ។
យោងតាមការចុះផ្សាយរបស់សារព័ត៌មាន ដេលីស្តារ កាលពីពេលថ្មីៗនេះ ឲ្យដឹងថា អ្នកជំនាញមួយក្រុមមកពីសាកលវិទ្យាល័យ Padua ប្រទេសអុីតាលី បានបង្ហើបឲ្យពិភពលោកបានដឹងពីមុខមាត់ (សន្និដ្ឋាន) របស់បុព្វជិតរូបនេះ ដែលបានស្លាប់ទៅ កាលពី ១ ៨០០ ឆ្នាំមុន។
អ្នកជំនាញបានសាងសង់រូបរាង (ទ្រង់ទ្រាយមុខ) របស់លោក Valentine ចេញពីគ្រោងឆ្អឹងលលាដ៏ក្បាល ដែលត្រូវបានគេយករក្សាទុក។
បច្ចុប្បន្នគេជឿថាឆ្អឹងលលាដ៏ក្បាលរបស់គាត់ ត្រូវបានរក្សាទុកនៅព្រះវិហារ Basilica of Saint Mary in Cosmedin មានទីតាំងស្ថិតនៅទីក្រុង រ៉ូម ប្រទេសអុីតាលី។
គួររម្លឹកថា លោក Valentine ត្រូវបានអធិរាជ Claudius ទី២ ចេញព្រះរាជបញ្ជា ប្រហារជីវិត នៅថ្ងៃទី ១៤ កុម្ភៈ ឆ្នាំ ២៦៩ នៃគ្រិស្តសករាជ បន្ទាប់ពីលោកបានប្រឆាំងនឹងច្បាប់របស់ប្រទេស ដែលហាមប្រាមមិនឲ្យគូស្នេហ៍វ័យក្មេងរៀបការនឹងគ្នា។
ក្រោយមកថ្ងៃដែលលោកត្រូវបានគេប្រហារជីវិតនោះ ត្រូវបានមនុស្សម្នា ប្រារព្ធជាទិវានៃសេចក្តីស្រលាញ់ជារៀងរាល់ឆ្នាំតរហូតមកដល់សព្វថ្ងៃ ដើម្បីរម្លឹកដល់វីរភាព របស់លោក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]