ហេតុតែស្រលាញ់អ្នកគាំទ្ររបស់ខ្លួនពេក មាស សុខសោភា ហ៊ាន​ចុះពីលើឆាកដោយមិនខ្លាច

ភ្នំពេញ៖ តារាចម្រៀងស្រី មាស សុខសោភា បច្ចុប្បន្ននេះ ដូចជាឡើងកូដខ្លាំងគួរឲ្យកត់សម្គាល់ ទោះបីជាបានប្រឡូកក្នុងវិស័យសិល្បៈជាច្រើនឆ្នាំហើយក៏ដោយក្តី ប៉ុន្តែតារារូបនេះ ក៏លេងខ្លួនស៊ិចស៊ី សឹងតែមិនឲ្យចាញ់តារាក្រោយៗបន្តិចនោះទេ ។

ជាក់ស្តែង កាលពីម្សិលមិញ តារាមួយដួងនេះ នាងបានបង្ហោះរូបភាពជាច្រើនសន្លឹក នៅក្នុងទំព័រហ្វេសបុករបស់នាង ខណៈពេលដែលនាងបានទៅច្រៀងលើឆាកប្រគុំតន្រ្តីមួយកន្លែង ។

ប៉ុន្តែ អ្វីដែលគួរឲ្យហួសចិត្តនោះគឺ ខណៈពេលដែលនាងច្រៀង សកម្មភាពរបស់នាងហាក់សឹងតែគ្រប់បែបបទតែម្តង ដោយនាងបានច្រៀងផង ឈរផង អង្គុយផង ហើយថែមទាំង ចុះមកក្រោមឆាកច្រៀង ចាប់ដៃមហាជនផង ដែលមើលទៅហាក់ដូចជាជិតស្និទ្ធជាមួយទស្សនិកជន ។​ ហើយវា ជាសកម្មភាពមួយដ៏កម្រមានតារាចម្រៀងណាដែលធ្វើដូចនាងបែបនេះណាស់។

យ៉ាងណាមិញ ធ្វើឲ្យទស្សនិកជនជាច្រើនភ្ញាក់ផ្អើលយ៉ាងខ្លាំង ជាពិសេសក៏សប្បាយចិត្តដែលនាង ផ្តល់ភាពស្និទ្ធស្នាលជាមួយអ្នកគាំទ្រដួច្នេះ ៕ 

• មាស សុខសោភា
• តារាខ្មែរ