គឹម សីហា ប្តីល្អលើសហើយ! ស្រលាញ់ប្រពន្ធខ្លាំង មើលតែទំហំពោះកូន ស្ទើរតែរាល់ថ្ងៃ

ភ្នំពេញ៖ លោក គឹម សីហា ត្រូវបានប្រិយមិត្តជាពិសេសមិត្តនារីជាច្រើន សរសើរថាលោកជាស្វាមីដ៏ល្អ និងពូកែយកចិត្តភរិយា។ ជាពិសេស អ្នកទាំងពីរ ក៏ទទួលបាននូវចំណងដៃកូនស្រីម្នាក់ ដែលពេលនេះ មានអាយុ១៧អាទិត្យហើយ ។ 

ក្រោយពីមានវត្តមាន កូនចូលមកក្នុងជីវិតរបស់ពួកគេ គេសង្កេតឃើញ ពួកគេមានសុភមង្គល ស្នាមញញឹម ម្យ៉ាងវិញទៀត លោកក្នុងនាមជាឪពុក និងស្វាមី លោកបានបំពេញភារកិច្ចបានយ៉ាងល្អ។

ក្នុងនោះ លោកក៏ដើរតួរជាចុងភៅដ៏ល្អម្នាក់ផងដែរ ផ្ដល់ជូនភរិយាលោកនូវអ្វីដែលពិសេសជានិច្ច មិនថាតែអាហារ ការថែទាំ ការយកចិត្តទុកដាក់ មិនឲ្យផុតពីភ្នែករបស់លោកឡើយ ពីមួយថ្ងៃទៅមួយថ្ងៃ លោកតាមដានសុខភាពភរិយា គ្រប់ពេលតែម្តង។

ជាក់ស្ដែង កាលពីប៉ុន្មានម៉ោងមុននេះលោកបានបង្ហោះរូបភាពមួយសន្លឹកក្នុងគណនីអុីនស្តារក្រាម ហើយរូបនោះ គឺជាពោះប្រពន្ធរបស់លោក។ ក្នុងនោះលោកបានសរសេរឲ្យដឹងថា កូនរបស់លោកកាន់តែធំឡើងហើយ មើលទៅលោកតែងតែមើលអំពីការលូតលាស់របស់កូនលោកជានិច្ច ។

នេះបានចំ ជាស្វាមី និងឪពុកគំរូម្នាក់មែន ឃើញហើយអ្នកណាដែលមិនច្រណែននោះ ៕

តោះទៅទស្សនារូបភាពទាំងអស់គ្នា ! 

• គង់ ចាន់ស្រីមុំ
• គឹម សីហា
• តារាខ្មែរ