ម៉ាឡេស៊ី៖ ពស់ថ្លាន់ពីរក្បាល ត្រូវបានអ្នកភូមិនៅលើកោះ Borneo ប្រទេសម៉ាឡេស៊ី បានបាញ់សម្លាប់ កាលពីរសៀលថ្ងៃសៅរ៍ សប្តាហ៍មុននេះ។
បើយោងតាមសេចក្តីរាយការណ៍ បានឲ្យដឹងថា ខណៈពេលកំពុងស្ថិតក្នុងព្រៃបរបាញ់សត្វ អ្នកភូមិជាច្រើន បានស្តាប់ឮសម្លេងយ៉ាងចម្លែក ចេញពីប្រហោងដើមឈើ ដែលដួលរលំមួយដើម។
ភ្លាមៗនោះ នៅពេលដែលពួកគេចូលទៅមើល ពួកគេស្រាប់តែភ្ញាក់ផ្អើលយ៉ាងខ្លាំង ក្រោយពីបានប្រទះឃើញ ពស់ថ្លាន់មួយគូ កំពុងតែរួមរឹតស្នេហានឹងគ្នា នៅក្នុងប្រហោងឈើនោះ ដោយគេឃើញមានពស់ថ្លាន់ញីមួយក្បាល មានប្រវែងរហូតដល់ទៅជាង ៥ម៉ែត្រឯណោះ។
អ្នកភូមិដែលនិយមទទួលទានសាច់ពស់ថ្លាន់ បានបាញ់សម្លាប់វា រួចក៏នាំគ្នាសែងដាក់ឡានដឹកទំនិញមួយគ្រឿង ដើម្បីយកទៅចាត់ចែងបន្ត។
អ្នកភូមិម្នាក់ឈ្មោះ Tinsung Ujang វ័យ៦០ឆ្នាំ បានសម្តែងនូវក្តីត្រេកអរយ៉ាងខ្លាំង ព្រោះរូបគាត់មិនដែលធ្លាប់ឃើញពស់ថ្លាន់ឯណា ដែលមានប្រវែងវែងដូចនេះ នោះទេ។ គាត់បានឲ្យដឹងថា៖
«ខ្ញុំកាន់តែមានការភ្ញាក់ផ្អើល ព្រោះខ្ញុំមិនដែលឃើញពស់ថ្លាន់រួមស្នេហានឹងគ្នាពីមុនមកទេ ហើយក៏មិនដែលធ្លាប់ឃើញ ពស់ថ្លាន់យក្ស ដែលមានប្រវែងវែងជាង ៥ ម៉ែត្រនោះដែរ។ ចំណែកអាឈ្មោលវិញ គឺតូចខ្លាំងណាស់» ។
លោក Tinsung បានបន្តថា ពស់ថ្លាន់ដែលគេចាប់បានខាងលើនេះ នឹងត្រូវបានគេយកទៅអាំង ឬ ក៏ឆា ជាម្ហូប។ ហើយចែករំលែកម្ហូបដែលបានចម្អិនរួច ដល់អ្នកភូមិ និងកសិករ ដែលរស់នៅក្បែរទីនោះ ស្មើៗគ្នាផងដែរ៕
សូមតាមដានវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]