ពេជ្រ សោភា ជាតារាមិនប្រកាន់ខ្លួន បើកដៃឲ្យហ្វេនថើបនៅលើឆាកតាមចិត្ត (មានវីដេអូ)

ភ្នំពេញ៖ ស្របនឹងប្រជាប្រិយភាពរបស់តារាចម្រៀងលំដាប់ជួរមុខអ្នកនាងពេជ្រ សោភា កាន់តែធ្វើឲ្យនាងទទួលបានការគាំទ្រខ្លាំងពីអ្នកគាំទ្រ ដោយសារតែការនិយាយស្តី មិនចេះរីងស្ងួតរបស់នាង។

មិនត្រឹមតែប៉ុណ្ណោះ នាងគឺជាតារាមួយរូបដែលគេទទួលស្គាល់ថា នាងជាតារាមួយដួងដែល មិនសូវចេះវាយឫកដូចអ្នកដទៃ។

ជាក់ស្តែង កាលពីថ្មីៗនេះ នៅក្នុងការប្រគុំតន្ត្រីមួយកន្លែង ដែលមានមនុស្សរាប់រយអ្នកចូលរួមទស្សនា បន្ទាប់ពីតារារូបនេះបានច្រៀងមួយបទ ពីរបទចប់ អ្នកគាំទ្រជាច្រើនក៏សុំថើបនាង ដោយក្តីស្រលាញ់ អ្នកនាងពេជ្រ សោភាឃើញដូច្នោះ នាងក៏លាន់មាត់ថា«រឿងនេះនាងមិនកំណាន់នោះទេ ព្រោះស្លាប់ទៅមិនអាចយកទៅបាន» រួចនាងក៏ជូនតាមសំណូមពរអ្នកគាំទ្រ ក៏ឲ្យថើបតែម្តង។

យ៉ាងណាមិញទង្វើរបស់នាងមើលទៅពិតជាសមជាតារាដែលគួរឲ្យគាំទ្រ និងគោរពស្រលាញ់មែនទែន។ដូច្នោះ ប្រិយមិត្តអាចទស្សនានៅក្នុងវីដេអូខាងក្រោមនេះនៅនាទីចាប់ពី ២០:២០ទៅ៕ 

• ពេជ្រ សោភា
• វីដេអូ
• តារាខ្មែរ