ពេជ្រ ថៃ និងពេជ្រ សោភា ប៉ះគ្នាក្នុងMVដំបូងជាមួយគ្នា អ្នកគាំទ្រធានាថា ឆ្នាំនេះ ល្បីដាច់គេមិនខាន

ភ្នំពេញ៖ ទន្ទឹមនឹងប្រជាប្រិយភាព របស់ម្ចាស់ពានរង្វាន់ The Voice Kids Cambodia និងជាតារាចម្រៀងវ័យក្មេងប្រចាំផលិតកម្មរស្មីហង្សមាស ពេជ្រ ថៃ កំពុងតែមានសន្ទុះអ្នកគាំទ្រកាន់តែខ្លាំង មិនត្រឹមតែប៉ុណ្ណោះ បច្ចុប្បន្នកាន់តែមានភាពមមាញឹកខ្លាំងនៅក្នុងវិស័យសិល្បៈ មិនចាញ់តារាផ្សេងៗ។

បើងាកមកនិយាយពីតារាចម្រៀងរួមទ្រនំ អ្នកនាងពេជ្រ សោភា វិញ កាន់តែមានភាពល្បីល្បាញមិនធម្មតា ជាមួយនឹងចម្រៀងថ្មីៗរបស់នាង តែងទាក់ចិត្តយុវវ័យជានិច្ច។

ជាក់ស្តែង កាលពីថ្មីៗនេះ អ្នកដឹកនាំដ៏ល្បីឈ្មោះ របស់ផលិតកម្មរស្មីហង្សមាស លោកកៅ សីហា បានបង្ហោះរូបភាពនៅក្នុងបណ្តាញសង្គមរបស់ខ្លួន ធ្វើឲ្យផ្អើលអស់អ្នកគាំទ្រ ដោយឃើញពេជ្រ ថៃ អ្នកនាងពេជ្រ សោភា និងលោក Step ជាមួយនឹងក្រុមការងារ កំពុងតែចាប់ផ្តើមថតនូវចម្រៀងថ្មី ដោយក្នុងនោះលោកក៏បានសរសេរថា៖ « MV ដំបូងរបស់ពេជ្រ ថៃ ម្ចាស់ពាន the voice kids »។

ក្រោយពីបានឃើញសារ ជាមួយនឹងរូបភាពទាំងនេះអ្នកគាំទ្រធានាថា Mv ដំបូងរបស់ពេជ្រ ថៃ នឹងទទួលបានការគាំទ្រច្រើន មិនត្រឹមតែប៉ុណ្ណោះ អាចនឹងល្បីដាច់គេទៀតមិនខាន៕ 

• ពេជ្រ សោភា
• ពេជ្រ ថៃ
• តារាខ្មែរ