រាជធានីភ្នំពេញ ៖ យុវជនម្នាក់បានរងរបួសធ្ងន់ ខណៈជិះម៉ូតូទៅលេងនៅសួនកម្សាន្តចម្ការព្រីងត្រូវជនដៃដល់កាប់ បែកក្បាល និងរយះខ្នង កាលពីវេលាម៉ោង៥និង៤៥នាទីល្ងាចថ្ងៃទី១០ មីនា នៅសួនកម្សាន្ដចម្ការព្រីងដែលមានទីតាំងស្ថិតក្នុងសង្កាត់ ភ្នំពេញថ្មី ខណ្ឌសែនសុខ ។
ជនរងគ្រោះឈ្មោះហ៊ុន សាវិត អាយុ១៩ឆ្នាំ ជាកម្មកររោងចក្រសាប៊ូ ស្នាក់នៅភូមិប៉ប្រកខាងជើង សង្កាត់កាកាប ខណ្ឌពោធិ៍សែនជ័យ។ តាមសម្ដីរបស់ឪពុកជនរងគ្រោះឈ្មោះហ៊ុន បូវណ្ណ អាយុ៥០ឆ្នាំ បានឱ្យដឹងថា មុនពេលកើតហេតុជនរងគ្រោះបានជិះម៉ូតូម៉ាកស្ដេបគ្នា៣នាក់ ទៅលេងនៅសួនកម្សាន្តចម្ការព្រីង។ ខណៈពេលកំពុងតែអង្គុយនៅលើម៉ូតូ ស្រាប់តែមានជនដៃដល់មួយក្រុមដើរមកដល់ ឯមិត្ដភក្ដិ២នាក់ទៀតបានរត់គេចខ្លួនបាត់អស់នៅសល់តែជនរងគ្រោះ អង្គុយលើម៉ូតូត្រូវជនដៃដល់កាប់ចំក្បាល និងខ្នងរងរបួសធ្ងន់ធ្ងរ។ ប្រភពដដែលបន្ដទៀតថា ជនដៃដល់ដែលកាប់កូនរបស់គាត់ទំនងជាមានគំនុំជាមួយមិត្ដភក្ដិ២ នាក់ទៀតដែលជិះម៉ូតូទៅជាមួយគ្នា ទើបពេលដែលក្រុមជនដៃដល់ដើរទៅជិតដល់មិត្ដភក្ដិ២នាក់នោះនាំគ្នា រត់គេចអស់ ចំណែកកូនរបស់គាត់អត់ដឹងរឿងអីនៅអង្គុយលើម៉ូតូក៏ត្រូវជនដៃដល់ ព្រួតកាប់តែម្ដង ។
ក្រោយពេលកើតហេតុជនរងគ្រោះត្រូវបានក្រុម គ្រួសារបញ្ជូនទៅព្យាបាលនៅគ្លីនិកឯកជនតែស្ថានភាពធ្ងន់ធ្ងរពេក ក៏បញ្ជូនទៅព្យាបាលនៅមន្ទីរពេទ្យព្រះកុសុមៈ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]