ភ្នំពេញ៖ ប្រិយមិត្តប្រាកដជាស្គាល់ច្បាស់ តារាចម្រៀងប្រចាំ ផលិតកម្មរស្មីហង្សមាស លោក ងួន ចាន់ដេវីត និងកញ្ញា ទេពបូព្រឹក្ស ដែលជាតារាចម្រៀងល្បី មានឈ្មោះបោះសម្លេងខ្លាំងក្នុងវិស័យសិល្បៈ ជាពិសេស សម្រាប់ស្រទាប់មិត្តៗយុវវ័យនាពេលបច្ចុប្បន្ន។
ក្រោយពីបានលាតត្រដាង ចំណងស្នេហ៍របស់អ្នកទាំងពីរ ជាសាធារណៈមក ថ្មីៗនេះគេឃើញថា កម្រិតនៃភាពផ្ហែមល្ហែម រវាងតារាប្រុសស្រីវ័យក្មេងទាំងពីរដួងនេះ ហាក់កើនឡើងជាលំដាប់ ។
ពោលគឺ គេតែងសង្កេតឃើញថា អ្នកទាំងពីរតែងតែបណ្ដើរគ្នា ទៅណាមកណាជាមួយគ្នា ញឺកញាប់តែម្ដង មិនថាតែជាកម្មវិធីជប់លៀង ឬពិធីមង្គលការនោះទេ គឺថាដើរជាលក្ខណៈគូតែម្ដង ជាហេតុធ្វើឲ្យអ្នកគាំទ្រច្រណែនមិនតិចទេ ព្រោះថាអ្នកទាំងពីរ មើលទៅពិតជាដៃគូដ៏សាកសមមែនទែន ។
ជាពិសេស ប្រិយមិត្តអាចនឹងឃើញអ្នកទាំងពីរ តែងតែបង្ហាញការយកចិត្តទុកដាក់ ការនឹករលឹកដាក់គ្នាទៅវិញទៅមក លើបណ្ដាញសង្គមហ្វេសប៊ុក ក៏ដូចជា នៅលើគណនីអុីនស្តាក្រាមជាដើម ពេលដែលអ្នកទាំងពីរ មិនបាននៅជិតគ្នា ឬពេលរវល់ហើយនៅឆ្ងាយពីគ្នា។
ជាក់ស្ដែង កាលពីប៉ុន្មានម៉ោងមុននេះ ស្រីស្អាត ទេព បូព្រឹក្ស ក៏ទើបតែបានបង្ហោះរូបភាព ថ្មីមួយសន្លឹកទៀតហើយ នៅក្នុងគណនីអុីនស្តាក្រាមរបស់នាងផ្ទាល់ ដោយក្នុងនោះគេឃើញថា កម្លោះសង្ហា លោក ដេវីត បានអោបលើកនាងយ៉ាងខ្ពស់ ជើងផុតពីដី មើលទៅពិតជាផ្អែមល្ហែមមែនទែន។
ជាមួយគ្នានេះដែរ អ្នកគាំទ្រមួយចំនួន ក៏បានបញ្ចេញមតិ ដោយសង្ឃឹមថា នឹងទទួលដំណឹងល្អពីអ្នកទាំងពីរ ក្នុងពេលឆាប់ៗខាងមុខនេះទៀតផង ៕
តោះទៅទស្សនារូបភាពខាងក្រោម!
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
