បរទេស៖ អតីតកីឡាកររបស់ក្រុមបិសាចក្រហម Manchester United និងក្រុមជម្រើសជាតិ របស់សាធារណរដ្ឋអៀរឡង់ កីឡាករ Liam Miller បានស្លាប់បាត់បង់ជីវិតក្នុងវ័យត្រឹម ៣៦ឆ្នាំ ដោយសារ ជំងឺមហារីកដ៏កាចសាហាវមួយ។
បើយោងតាមប្រភពសារព័ត៌មាន បានរាយការណ៍ឲ្យដឹងថា Miller កើតមានជំងឺមហារីកលំពែង អស់រយៈពេលជាច្រើនឆ្នាំមកហើយ។
គួរឲ្យដឹងថា Miller បានចាប់ផ្ដើមអាជីពរបស់ខ្លួន ដោយផ្ដើមលេងក្នុងឈុតយុវជនរបស់ក្រុម Celtic នឹងបានជួយឲ្យក្រុមក្នុងប្រទេសស្កុតឡែន មួយនេះ លើកពានក្នុងរដូវកាល ២០០៣-២០០៤ មុនពេលផ្លាស់ទៅកាន់ក្រុមបិសាចក្រហម Manchester United ។
រូបគេបានចូលលេងឲ្យក្រុមយក្សនៅអង់គ្លេស នេះ ចំនួន ២២ប្រកួត គ្រប់កម្មវិធីទាំងអស់ នឹងបានស៊ុតបញ្ចូលទីចំនួន ២គ្រាប់ ក្នុងនាមជាខែ្សបម្រើ អំឡុងពេលប្រកបអាជីពនៅកីឡដ្ឋាន Old Trafford ។
ក្រោយមក Miller ក៏បានផ្លាស់ទៅកាន់ Leed ក្នុងលក្ខខណ្ឌខ្ចីជើង មុនពេលផ្លាស់បន្ដទៅកាន់ Sunderland ជាទីដែលគេជួយក្រុម ដែលមានរហស្សនាមថា ឆ្មាខ្មៅ ឲ្យលើកពាន Championship នៅរដូវកាល ២០១៦-២០១៧។
ក្នុងមរណៈភាពរបស់ Miller នេះ ក្លិបដែលរូបគេធ្លាប់ប្រកបអាជីពដូចជា Celtic, Leed United, Sunderland និង QPR ជាដើម បានសម្ដែងនូវការសោកស្ដាយចំពោះការបាត់បង់នេះ នឹងសូមចូលរូមសេចក្ដីមរណៈទុក្ខ ជាមួយគ្រួសារនៃសពផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
