ភ្នំពេញ៖ កាលពីល្ងាចម្សិលមិញនេះ ភរិយាជាទីស្រលាញ់របស់តារាចម្រៀងជើងចាស់លោក សុះ ម៉ាច បានសម្រាលបានកូនប្រុសរបស់ខ្លួនហើយ ប្រកបដោយសុវត្ថិភាព កាលពីវេលាម៉ោង ៥ និង ៣០ នាទីល្ងាច។
នៅក្នុងនោះផងដែរ ក៏មានការចូលរួមអបអរសាទរជាច្រើន ពីមិត្តភក្តិនៅលើបណ្តាញសង្គមហ្វេសប៊ុកជាបន្តបន្ទាប់ ទៅដល់ភរិយា ព្រមទាំងកូនប្រុសដែលទើបនឹងកើតរបស់លោក សុះ ម៉ាច។
ប៉ុន្តែទន្ទឹមនឹងនេះ ក៏គួរឱ្យសោកស្តាយយ៉ាងខ្លាំង ព្រោះពេលនោះតារាចម្រៀងលោក សុះ ម៉ាច បែរជាមិនបាននៅជាមួយភរិយា ពេលសម្រាលកូនប្រុសទៅវិញ ដោយសារតែ លោកជាប់រវល់ឡើងច្រៀងនៅលើឆាក ក្នុងកម្មវិធីច្រៀងផ្ទាល់នៅប៉ុស្តិ៍ទូរទស្សន៍អាស៊ីអាគ្នេយ៍របស់កម្មវិធី «ពេជ្រកំពុងច្នៃ» ក្នុងវគ្គផ្តាច់ព្រ័ត្រ ដោយអាក់ខានមិនបានឡើយ។
ជាក់ស្តែង នៅលើបណ្តាញទំនាក់ទំនងសង្គមហ្វេសប៊ុករបស់លោក សុះ ម៉ាច ក៏បានបង្ហោះសាររៀបរាប់ បង្ហាញពីអារម្មណ៍របស់លោក យ៉ាងក្តុកក្តួលផងដែរ ព្រោះមិនអាចនៅជិតថែទាំជួយទុក្ខធុរៈភរិយា ក្នុងពេលវេលាដ៏សំខាន់បំផុត នៅក្នុងជីវិតបែបនេះ៕
ទស្សនាកម្រងរូបភាពខាងក្រោមនេះទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]