ភ្នំពេញ៖ បច្ចុប្បន្ននេះ តារាសម្តែងជើងចាស់ ដែលមានទេពកោសល្យនៅក្នុងការសម្តែងទាំងជាតួកាច និងជាតួស្លូត កម្សត់ស្រក់ទឹកភ្នែក អ្នកនាង ស្វែង សុជាតា ហាក់ដូចកាប់កប ជាមួយនឹងការងារក្នុងទីផ្សារសិល្បៈ គួរឱ្យកត់សម្គាល់។
ទោះបីជាឈានចូលវ័យកាន់តែចំណាស់ ប៉ុន្តែកេរ្តិ៍ឈ្មោះរបស់តារាសម្តែងរូបនេះ នៅតែមានភាពល្បីល្បាញនៅក្នុងស្រទាប់មហាជនជានិច្ច ជាពិសេសមួយរយៈពេលចុងក្រោយនេះ តួកុនចាស់វស្សាអ្នកនាង ស្វែង សុជាតា ក៏បានទាញចិត្តអ្នកគាំទ្រឱ្យមានភាពអាណិតអាសូរចំពោះអ្នកនាងយ៉ាងខ្លាំង ក្រោយរងការប្រើអំពើហិង្សាពីសំណាក់ស្វាមីវ័យក្មេង។
ចាប់តាំងពីកើតរឿងរ៉ាវនៃការរងអំពើហិង្សានោះមក សម្រស់ និងសុខភាពរបស់អ្នកនាង ស្វែង សុជាតាត ក៏កាន់តែធ្លាក់ចុះទៅក្នុងសភាពដុនដាបខុសពីពេលមុនៗណាស់។
ជាក់ស្តែងពេលឃើញមុខហ្ស៊ីន (គ្មានការផាត់មុខ) របស់តារាសម្តែងស្រីរូបនេះ ធ្វើឱ្យអ្នកគាំទ្រ ភ្ញាក់ព្រើតតែម្តង បើយកមកប្រៀបផ្ទឹមពេលដែលមានការផាត់មុខរួច។
ទន្ទឹមនឹងនេះដែរ រាល់ពេលអ្នកនាង សុជាតា បង្ហោះរូបភាពពេលមិនផាត់មុខចូលទៅក្នុងបណ្តាញទំនាក់ទំនងសង្គមម្តងៗ ធ្វើឱ្យមានអ្នកគាំទ្រមួយចំនួនអាណិតអ្នកនាងយ៉ាងខ្លាំងផងដែរ មិននឹកស្មានថា មុខហ្ស៊ីន និងមុនពេល Make up រួចរបស់នាងខុសប្លែកឆ្ងាយពីគ្នាដូចមេឃ និងដី ដូច្នេះសោះ៕
ទស្សនាកម្រងរូបភាពខាងក្រោមនេះដូចតទៅ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]