រាជធានីភ្នំពេញ ៖ រថយន្តកាមរីឆ្លាម ពណ៌ស្ករមួយគ្រឿងបើកបរដោយបុរសម្នាក់ជ្រុលទៅបុករបង ផ្ទះ២ល្វែងបណ្តាលឱ្យបាក់ខ្ទេចខ្ទី ឯរថយន្តបែកកង់ខាងស្តាំនិងផ្ទុះពោងសុវត្ថិភាព ហើយអ្នកបើកបរបែកក្បាលហូរឈាមរបួសស្រាល។ ហេតុការណ៍នេះកើតឡើងកាលពីវេលាម៉ោង១រំលងអធ្រាត្រឈានចូល ថ្ងៃទី១០ មីនា តាមបណ្តោយផ្លូវបេតុងលេខ៥៥៥ ភូមិស្វែងរលើង សង្កាត់ទឹកថ្លា ខណ្ឌសែនសុខ។
យោងតាមប្រភពព័ត៌មានបានឱ្យដឹងថា មុនពេលកើតហេតុរថយន្តកាមរីឆ្លាមពណ៌ស្ករ បើកបរដោយបុរសស្រវឹងធ្លាក់ភ្នែកម្នាក់បានបោះពួយពីត្បូងទៅ ជើងក្នុងល្បឿនលឿន ស្រាប់តែមកដល់ផ្លូវកោងក៏រ៉េចង្កូតទៅបុករបងផ្ទះ២ល្វែង បណ្តាលឱ្យបាក់ខ្ទេចខ្ទី ឯរថយន្តបែកកង់ខាងស្តាំនិងផ្ទុះពោងសុវត្ថិភាព បណ្តាលឱ្យអ្នកបើកបរបែកក្បាលហូរឈាមរងរបួសស្រាលផងដែរ។
ក្រោយពីបុករបងផ្ទះរួចម្ចាស់រថយន្តកាមរីឆ្លាមក៏បាន សងលុយទៅម្ចាស់ផ្ទះទាំង២ល្វែងចំនួន៥០០ដុល្លារ ដើម្បីបញ្ចប់រឿង តែរថយន្តត្រូវសមត្ថកិច្ចស្ទូចយកទៅរក្សាទុកនៅអធិការដ្ឋាន ខណ្ឌសែនសុខ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]