បរទេស៖ ក្រុមហ៊ុន BrahMos Aerospace ដែលជាការធ្វើវិនិយោគទុនរួមគ្នារវាងប្រទេសរុស្ស៊ី និងឥណ្ឌា បានអភិវឌ្ឍគ្រាប់មីស៊ីល ដែលខ្លួនអះអាងថា មានល្បឿនលឿនជាងគេបង្អស់លើពិភពលោក។
គ្រាប់មីស៊ីលខាងលើ ត្រូវបានគេដាក់ឈ្មោះឲ្យថា BrahMos អាចបាញ់បានចម្ងាយជិត ១៨៦ ម៉ាយ ឬ ២៩៩ គីឡូម៉ែត្រ និងមានសមត្ថភាពវាយកម្ទេចត្រង់សេ ក៏ដូចជាប្រព័ន្ធរ៉ាដារបស់សត្រូវចំគោលដៅបានល្អ។
អ្នកនាំពាក្យម្នាក់របស់ក្រុមហ៊ុន BrahMos Aerospace មានប្រសាសន៍ថា ក្រុមហ៊ុនគ្រោងលក់គ្រាប់មីស៊ីលប្រភេទនេះ ទៅឲ្យបណ្តាប្រទេសទាំងឡាយ ដែលមានទំនាក់ទំនងល្អជាមួយរដ្ឋអំណាចទីក្រុងមូស្គូ និង ញូដេលី (New Delhi)។
បើតាមប្រភពសារព័ត៌មាន បណ្តាប្រទេសមួយចំនួននៅតំបន់អាស៊ីអាគ្នេយ៍ មានដូចជា ម៉ាឡេស៊ី ឥណ្ឌូណេស៊ី និងវៀតណាមជាដើម កំពុងចាប់អារម្មណ៍រកជាវមីស៊ីលទំនើបនេះ ដើម្បីពង្រឹងវិស័យយោធារបស់ខ្លួន។
លោក Sammer Patil នាយកមជ្ឈមណ្ឌលសម្រាប់សន្តិសុខអន្តរជាតិ នៅទីក្រុងមុមបៃ បានវិភាគទុកមុនថា ការលក់សព្វាវុធនេះ នឹងបង្កឲ្យការព្រួយបារម្ភយ៉ាងខ្លាំងដល់សន្តិសុខចិន។
គួរឲ្យដឹងថា សព្វថ្ងៃប្រទេសចិន កំពុងស្ថិតក្នុងជម្លោះសមុទ្រចិនខាងត្បូង ជាមួយនឹងបណ្តាប្រទេសមួយចំនួននៅតំបន់អាស៊ីអាគ្នេយ៍។ កាលណា ប្រទេសដែលមានជម្លោះជាមួយចិន មានគ្រាប់មីស៊ីលប្រភេទនេះប្រើ នឹងធ្វើឲ្យសុខសន្តិសុខរបស់ចិន ទទួលរងការគំរាមកំហែងជាខ្លាំង ជាក់ជាពុំខាន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]