នេះជាលើកទីបីហើយដែលក្រុមហ៊ុនបណ្តាញផ្សព្វផ្សាយកម្ពុជា CBS បានទទួលនូវការយល់ព្រមអោយផ្សាយបន្តផ្ទាល់ អំពីព្រឹត្តិការណ៍ប្រកួតលើកម្រាលស្មៅដ៏អស្ចារ្យនេះ។
ចាប់ពីថ្ងៃទី14 ខែមិថុនា ដល់ ថ្ងៃទី15 ខែកក្កដា ឆ្នាំ2018 នេះតទៅ CBS នឹងផ្សាយបន្តផ្ទាល់ទាំង64ប្រកួតនៃព្រឹត្តិការណ៍ FIFA World Cup 2018 តាមរយៈស្ថានីយ៍ទូរទស្សន៍ទាំង3គឺ CTN, MYTV, CNC។
លោក ស៊ីថូ ណាថាន់ ប្រធានផ្នែកកីឡារបស់ CBS បានលើកឡើងថា៖
"សាជាថ្មីម្តងទៀត CBS បានបង្ហាញអោយគេដឹងថា ពួកយើងគឺជាទូរទស្សន៍ដែលនាំមុខគេលើសកម្មភាពកីឡាដោយមិនទាន់មានអ្នកណាមកប្រជែងបាននៅកម្ពុជា។ យើងតែងតែនាំមកនូវភាពរីករាយ ខណៈដែលយើងបានក្លាយជាផ្នែកមួយ ក្នុងការផ្សាភ្ជាប់ព្រឹត្តិការណ៍កីឡាធំៗលំដាប់ពិភពលោក។ ក្រុមការងារផ្នែកកីឡាពិតជាអន្ទះសារក្នុងការនាំយកគំនិតប្លែកៗចែករំលែកក្នុងអំឡុងពេលដែលលោកអ្នកទស្សនា FIFA World Cup.។"
លោកបន្ដថា៖
“នេះគឺជាមោទនភាពដ៏ធំក្រៃលែងខណៈដែល FIFA បានជឿទុកចិត្តលើ CBS និងយល់ព្រមអោយបន្តការផ្សព្វផ្សាយនូវព្រិត្តការណ៍ដ៏មានកិត្យានុភាពនេះម្តងទៀត។ បន្ទាប់ CBS បានធ្វើការផ្សាយនូវការប្រកួតប្រដាល់ដ៏ធំរបស់ពិភពលោកអំពីការប្រកួតរវាង Mayweather និង McGregor បន្ថែមដោយការផ្សាយនូវការប្រកួតបាល់ទាត់ English Premier League, UEFA Champions League និង UEFA EUROPA League បានធ្វើអោយអង្គភាពទូរទស្សន៍របស់ FIFA World Cup 2018 កាន់តែជឿជាក់យ៉ាងរឹងមាំថែមទៀតថា CBS គឺជាគេហដ្ឋានកីឡាប្រចាំព្រះរាជាណាចក្រកម្ពុជា Cambodia’s Home of Sport”។
CBS នឹងមានការចូលរួមទស្សទាយបាល់ទាត់ពិភពលោក គ្រប់ការប្រកួតជាមួយនិងតារាបាល់ទាត់ល្បីៗរបស់ប្រទេសកម្ពុជាផងដែរ រួមមាន៖ លោក ហុក សុចិត្រា អតីតវិរបុរសបាល់ទាត់កម្ពុជា និងជាអតីតគ្រូបង្វឹកក្រុមបាល់ទាត់ជំរើសជាតិកម្ពុជា។ លោក ឈិន ឈឿន ជាកីឡាករខ្សែបំរើក្រុមជំរើសជាតិកម្ពុជា និងលោក អ៊ំ សេរីរ័ត្ន ជាអ្នកចាំទីក្រុមបាល់ទាត់ជំរើសជាតិកម្ពុជា រួមទាំងអ្នកកីឡាល្បីៗមួយចំនួនទៀត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
