ភ្នំពេញ៖ ដំណើរជីវិតឯកជន របស់តារាចម្រៀងស្រីល្បីច្រើនឆ្នាំអ្នកនាង ពេជ្រ សោភា ពិតជាមានក្ដីសុខជាខ្លាំង ទាំងស្នេហា ការងារ គឺកំពុងដើរទៅមុខ យ៉ាងរលូន តែម្ដង។
ជារឿយៗ រាល់ពេលទំនេរពីការងារ និងរបបរកស៊ី មិត្តស្រីលោក ឆឹម សក្កដា រូបនេះក៏តែងឆ្លៀតរកពេលវេលា ធ្វើដំណើរកម្សាន្ត ទៅតាមទីកន្លែងនានា មិនថាក្នុងឬក្រៅប្រទេស ជាពិសេស អ្នកនាង ក៏មិនភ្លេច បង្ហោះរូបស្អាតៗ ទាំងនោះចែកជូន អ្នកគាំទ្រ បានទស្សនាដែរ ។
ជាក់ស្ដែង ក្នុងចំណោមរូបភាពទាំងអស់ ក៏មានរូបមួយសន្លឹក ដែលតារាស្រីរូបនេះ បានផុសលើគណនី(IG) ស្ដែងឲ្យឃើញ ពីភាពក្លាហាន ដែលនាង ហ៊ានអង្គុយលើថ្មយ៉ាងខ្ពស់ ថែមទាំងគ្មានបង្កាន់ដៃ ទៀតផង។
គ្រាន់តែឃើញភ្លាម ធ្វើឲ្យប្រិយមិត្ត ទស្សនិកជន មិនតិចនោះទេ ដែលភ័យបុកពោះស្រៀវខ្លួនជំនួសនាង ថែមទាំងមិននឹកស្មានថា ដើម្បីបានរូបស្រស់ស្អាត តាមបែបធម្មជាតិមួយនេះ ពេជ្រ សោភា ហ៊ានប្រថុយគ្រោះថ្នាក់ បែបនេះសោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]