រាជធានីភ្នំពេញ ៖ រថយន្តកូរ៉េធុនធំមួយគ្រឿង បានបើកបុក និងកិនម៉ូតូសង់កូរ៉េ ពណ៌ក្រហមមួយគ្រឿង បណ្តាលឱ្យខ្ទេចមួយកំណាត់មុខ តែសំណាងល្អម្ចាស់ម៉ូតូមិនមានគ្រោះថ្នាក់ទេ។
ហេតុការណ៍ គ្រោះថ្នាក់ចរាចរណ៍នេះ កើតឡើងកាលពីវេលាម៉ោង៧ និង១០នាទីយប់ថ្ងៃទី១០ មីនា តាមបណ្តោយផ្លូវបេតុង១៩៨៦ សង្កាត់ភ្នំពេញថ្មី ខណ្ឌសែនសុខ ។ យោងតាមប្រភពពត៌មានពីកន្លែងកើតហេតុបានឱ្យដឹងថា មុនពេលកើតហេតុមានរថយន្តកូរ៉េធុនធំ ពណ៌ខៀវ មួយគ្រឿង បើកពីលិចទៅកើតក្នុងល្បឿនលឿន ហើយក៏ជ្រុលចង្កូតទៅបុកម៉ូតូសង់កូរ៉េ ពណ៌ក្រហម ដែលបើកបរដោយបុរសម្នាក់មិនស្គាល់អត្តសញ្ញាណពីកើតទៅលិច បញ្ច្រាសទិសគ្នា ចំពីមុខពេញទំហឹងបណ្តាលឱ្យម្ចាស់ម៉ូតូខ្ទាតរងរបួសស្រាល។
ប្រភពបន្តឱ្យដឹងទៀតថា ភ្លាមៗនោះរថយន្តកូរ៉េព្យាយាមបើកគេចក៏កិនម៉ូតូជនរងគ្រោះ ចំពាក់កណ្តាលម៉ូតូបណ្តាលឱ្យខ្ទេចមួយកំណាត់មុខ ហើយបើកគេចខ្លួនដោយសុវត្ថិភាព ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
