សម្តេច​តេជោ ហ៊ុន សែន ទម្លាយ​ថា សម្តេច​បោះ​ឆ្នោត​គាំទ្រ កុមារី សុខ សុជាតា ក្នុង​កម្មវិធី «The Voice Kids Cambodia»

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងទម្លាយថា សម្តេចបានបោះឆ្នោតគាំទ្រ ដល់កុមារី សុខ សុជាតា ក្នុងកម្មវិធីប្រឡងចម្រៀង លំដាប់ថ្នាក់ពិភពលោក «The Voice Kids Cambodia» ខណៈអ្នកទទួលពានរង្វាន់ ក្នុងកម្មវិធីលំដាប់ពិភពលោកនេះ គឺបានទៅលើកុមារា ពេជ្រ ថៃ។

បានថ្លែងដូច្នេះរបស់សម្ដេចតេជោ គឺក្នុងឱកាសដែលសម្ដេចបានអញ្ជើញចូលរួមជួប សំណេះសំណាល ជាមួយបងប្អូនកម្មករ និងនិយោជិតសរុបប្រមាណ ១៥,១០៩នាក់ មកពីរោងចក្រ សហគ្រាសចំនួន៧ នៅតំបន់កប់ស្រូវ ខណ្ឌពោធិ៍សែនជ័យ រាជធានីភ្នំពេញ នាព្រឹកថ្ងៃពុធ ៧រោច ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០៧ ខែកុម្ភៈ ឆ្នាំ២០១៨នេះ។

សម្តេច តេជោ ហ៊ុន សែន បានថ្លែងថា «ក្នុងកម្មវិធីប្រឡងចម្រៀង លំដាប់ពិភពលោក «The Voice Kid Cambodia» សម្តេចបានបោះឆ្នោតគាំទ្រឲ្យកុមារី សុជាតា ខណៈអ្នកទទួលជ័យលាភី គឺ កុមារា ពេជ្រ ថៃ ដែលជាកម្មវិធីប្រកួតចម្រៀងកុមារ ដ៏មានប្រជាប្រិយភាព នៅក្នុងស្ថានីយទូរទស្សន៍ហង្សមាស។

ព្រឹត្តិការណ៍ប្រឡងចម្រៀង លំដាប់ថ្នាក់ពិភពលោក «The Voice Kids Cambodia» រដូវកាលទី១នេះ បានធ្វើឲ្យមានការចាប់អារម្មណ៍យ៉ាងខ្លាំង ពីសំណាក់មហាជន ក៏ដូចជាទស្សនិកជនទូទៅ ខណៈដែលថ្នាក់ដឹកនាំប្រទេស គឺសម្ដេចតេជោ ហ៊ុន សែន ក៏បានតាមដានកម្មវិធីនេះ យ៉ាងយកចិត្តទុកដាក់ ផងដែរ៕

ប្រភព៖ khmertalking

• សុខ សុជាតា
• តារាខ្មែរ