ខេត្តព្រះសីហនុ ៖ សេចក្តីរាយការណ៍បានឱ្យដឹងថា កាលពីវេលាម៉ោងប្រមាណ៦ និង៣០នាទីល្ងាច ថ្ងៃទី៥ ខែកុម្ភៈ ឆ្នាំ២០១៨ មានឧប្បត្តិហេតុគ្រោះចរាចរណ៍មួយបានកើតឡើង នៅផ្លូវជាតិលេខ៤ ចន្លោះគីឡូម៉ែត្រ១០៧-១០៨ ក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ។
មានរថយន្តមួយគ្រឿង ពណ៌ខ្មៅ ពាក់ស្លាកលេខ ភ្នំពេញ 2U-6212 បើកបរដោយជនជាតិចិនចំនួន៣នាក់ ក្នុងទិសដៅពីភ្នំពេញ ឆ្ពោះទៅខេត្តព្រះសីហនុ លុះដល់ចំណុចខាងលើ ក៏បានក្រឡាប់បុក នឹងដើមឈើ បណ្ដាលឲ្យអ្នកជិះក្នុងរថយន្តម្នាក់ស្លាប់ភ្លាមនៅនឹងកន្លែងកើតហេតុ និង២នាក់ទៀតរងរបួសធ្ងន់។ បន្ទាប់មកជនរងគ្រោះត្រូវបាន គេបញ្ជូនទៅកាន់រាជធានីភ្នំពេញ។ រថយន្តត្រូវបានសមត្ថកិច្ចស្ទូចយកទៅរក្សាទុកនៅ អធិការដ្ឋាននគរបាលស្រុកកំពង់សិលា រង់ចាំម្ចាស់ទៅទទួលយក៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
