ភ្នំពេញ៖ ប្អូនស្រី លីន សោម៉ា ត្រូវបានអ្នកគាំទ្រជាច្រើន តែងកោតសរសើរ ពីទឹកដមសម្លេង បែបមនោសញ្ចេតនា របស់ក្មេងស្រីវ័យ ១៦ឆ្នាំរូបនេះ ពិតជាពីរោះមិនចាញ់ តារាអាជីពប៉ុន្មាននោះទេ។
ជាក់ស្ដែង ក្នុងការប្រកួត កម្មវិធីប្រលងចម្រៀង លំដាប់ថ្នាក់ពិភពលោក Cambodian Idol រដូវកាលទី៣ វគ្គ Green Miles កាលពីយប់មិញនេះ បានតម្រូវឲ្យប្អូនស្រី ផ្លាស់ប្ដូរស្ទីលមកច្រៀងបទញាក់ កន្ត្រាក់អារម្មណ៍ ដែលមានចំណងជើងថា «ចេះតែស្រមៃ» ។
មួយបទនេះ បានធ្វើឲ្យបេក្ខភាព វ័យក្មេងរូបនេះ មានភាពលំបាកជាខ្លាំង ព្រោះត្រូវច្រៀង និងសម្ដែងផ្ទាល់នៅមុខ ទស្សនិកជនជាច្រើននាក់។
អ្វីដែលចាប់អារម្មណ៍ ក្នុងការប្រកាសលទ្ធផល Juge ទាំង៤ បាននិយាយបែប ស៊ីអារម្មណ៍យ៉ាងខ្លាំង ជាហេតុធ្វើឲ្យ លីន សោម៉ា សម្រក់ទឹកភ្នែកយ៉ាងសស្រាក់ ព្រោះតែគិតថា ខ្លួនអាចនឹងត្រូវជ្រុះចេញពីកម្មវិធីនេះមិនខាន ។
ប៉ុន្តែជាលទ្ធផលចុងក្រោយ បេក្ខនារី លីន សោម៉ា នៅតែអាចមានឱកាសបន្ត ប្រកួតក្នុងកម្មវិធីនេះ នៅវគ្គ Live Show ខណៈដែលបេក្ខភាពដទៃទៀត ត្រូវបានជម្រុះ សល់តែ១២រូបប៉ុណ្ណោះ ៕
ចង់ជ្រាបកាន់តែច្បាស់ ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]