ភ្នំពេញ៖ មុននេះបន្តិចនៅលើអ៊ីនស្តារក្រាមរបស់ជំទាវ លី យ៉ាណា បានបង្ហោះរូបភាពមួយសន្លឹកជាមួយនឹងជំទាវ ស្រីតូច ចំណាន នៅក្នុងឈុតសម្លៀកបំពាក់អាវប៉ាក់ហូលផាមួង យ៉ាងស្រស់ស្អាត និងថ្លៃថ្នូរសមជានារីខ្មែរ។
នៅក្នុងនោះដែរ យើងឃើញសម្រស់របស់ជំទាវទាំងពីរដួង ពេលថតរូបនៅជិតគ្នាបែបនេះ ពិតជាមានសម្រស់មិនចាញ់គ្នានោះឡើយ ជាពិសេសនៅក្នុងឈុតសម្លៀកបំពាក់ប្រពៃណីយ៉ាងសមសួនដូច្នេះទៀត រឹតតែបានធ្វើឱ្យលោកជំទាវទាំងពីរមានភាពស្រស់ស្អាត និងថ្លៃថ្នូរថែមមួយកម្រិតទៀតផងដែរ។
គួរឱ្យដឹងផងដែរថា លោកជំទាវ លី យ៉ាណា និង ស្រីតូច ចំណាន គឺជាអតីតតារាស្រីនៅក្នុងសង្គមសិល្បៈខ្មែរយើង ដែលធ្លាប់ទទួលបាននូវប្រជាប្រិយភាពមិនចាញ់អ្នកសិល្បៈរួមជំនាន់ប៉ុន្មាននោះទេ។
ហើយបច្ចុប្បន្នក៏បានក្លាយខ្លួនទៅជាជំទាវ ប្រើជីវិតរស់នៅជាអ្នកមានទ្រព្យសម្បត្តិម្នាក់នៅក្នុងសង្គម ហើយទោះបីជាឈប់ពីការងារសិល្បៈ ក៏ជំទាវទាំងពីរ នៅតែទទួលបាននូវការស្រលាញ់រាប់អានយ៉ាងខ្លាំង ពីមនុស្សជាច្រើននាក់ ដែលធ្លាប់ជាអ្នកគាំទ្រ ក៏ដូចជាមហាជនទូទៅផងដែរ ព្រោះតែទឹកចិត្តសប្បុរសធម៌ និងងអំពើល្អជួយសង្គម៕
ទស្សនាកម្រងរូបភាពរបស់ជំទាវទាំងពីរ ដូចខាងក្រោមទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]