ក្រោយរួចផុតពីជំងឺកាចសាហាវ ពេជ្រ ចរណៃ ចាប់ផ្តើមមានហាងឆេងខ្ពស់ ក្នុងសិល្បៈ

ភ្នំពេញ៖ មួយរយៈកន្លងមក ប្រិយមិត្តជាច្រើនប្រាកដជាដឹងហើយថាកញ្ញា ពេជ្រ ចរណៃ ដែលជាតារាសម្តែងមួយរូបបានធ្លាក់ខ្លួនឈឺធ្ងន់ ដែលសឹងតែមិនអាចព្យាបាលបាន រួចក៏បញ្ជូនទៅព្យាបាលបន្តនៅប្រទេសជិតខាង។

ក្រោយពីត្រលប់មកព្យាបាលជំងឺវិញពេជ្រ ចរណៃ ក៏បានជាសះស្បើយ ស្ទើរតែទាំងស្រុង ដោយសារតែបានគ្រូពេទ្យមើលថែនាងបានយ៉ាងដិតដល់ ជាពិសេសនោះគឺលោកខៃ ប្រសិទ្ធ បានផ្តល់ប្រាក់ជួយសង្គ្រោះជីវិត និងអ្នកសិល្បៈច្រើនទៀត ទើបធ្វើឲ្យនាងអាចជាសះស្បើយបែបនេះ។

ជាការពិតណាស់ ក្រោយពីបានជាហើយ តារារូបស្រស់នេះ ក៏ចាប់ផ្តើមប្រកាសចូលសិល្បៈវិញភ្លាមៗ និងទទួលការសម្តែងតែម្តង។ ជាក់ស្តែងនៅក្នុងបណ្តាញសង្គមរបស់នាងបានបង្ហោះរូបភាពជាច្រើនសន្លឹកជាមួយនឹងទឹកមុខយ៉ាងស្រស់ថ្លា នឹងការងារថ្មីរបស់នាង។

ក្រោយពីបានឃើញរូបភាព ជាមួយនឹងការងាររបស់នាង អ្នកគាំទ្រពិតជាសប្បាយរីករាយមែនទែន ដែលនាងបានចូលសិល្បៈវិញ ជាពិសេសបានជាសះស្បើយពីជំងឺ៕ 

• ពេជ្រ ចរណៃ
• តារាខ្មែរ