ជោគជ័យខ្លាំង ទេព បូព្រឹក្ស ប្តូរផ្ទះដូចប្តូរសម្លៀកបំពាក់ ថ្ងៃនេះ ឡើងផ្ទះថ្មីទៀតហើយ

ភ្នំពេញ៖ តារាចម្រៀងនៅក្នុងផលិតកម្មរស្មីហង្សមាសកញ្ញា ទេព បូព្រឹក្ស កាន់តែទទួលបានការគាំទ្រ ពីសំណាក់យុវវ័យ នៅពេលដែលបទរបស់នាងចេញម្តងៗ តែងតែកន្រ្តាក់អារម្មណ៍ប្រិយមិត្តជានិច្ច។

ជាការពិតណាស់ ក្រោយតារារូបនេះ បានចាប់ដៃគូជាមួយប្រុសសង្ហា តារារ៉េប រួមទ្រនំជាមួយខ្លួន ឃើញថា នាងកាន់តែទទួលបានប្រជាប្រិយភាពខ្លាំងឡើង លើសពីនេះធ្វើឲ្យមហាជនជាច្រើនចង់ឲ្យពួកគេស្រលាញ់គ្នាទៀតផង។

ស្របពេលជាមួយនឹងការងារសិល្បៈ ដែលមានភាពមមាញឹកខ្លាំង ឃើញថាតារារូបនេះកាន់ទទួលបានភាពជោគជ័យមានលុយ ចាយមិនខ្វះ មិនត្រឹមតែប៉ុណ្ណោះនៅក្នុងបណ្តាញសង្គមរបស់នាង បានបង្ហោះ រូបភាពផ្ទះ ជាមួយនឹងទីធ្លាដ៏ធំ និងស្រស់ស្អាតយ៉ាងខ្លាំង។

ជាពិសេស សម្រាប់ថ្ងៃនេះ រូបនាង ក៏បានសូត្រមន្ត ឡើងផ្ទះថ្មី ជាមួយនឹង ក្រុមគ្រូសារ និង លោក ដេវីត ផ្ទាល់តែម្តង៕

• ទេព បូព្រឹក្ស
• តារាខ្មែរ