ភ្នំពេញ៖ បច្ចុប្បន្នតារាសម្តែងស្រី ឬដែលគ្រប់គ្នាធ្លាប់ស្គាល់ថាជា «រាជនីក្រមា» កញ្ញា មាន សូនីតា បានទទួលនូវការគាំទ្រយ៉ាងខ្លាំងពីសំណាក់យុវវ័យ។
ចំណែកឯតារាសម្តែងស្រីវ័យក្មេងកញ្ញា ម៉ាក សែនសូនីតា ឯណេះវិញ ក៏មិនអន់ដែរ ភាពល្បីល្បាញរបស់នាងក៏កាន់តែហក់ឡើងជាលំដាប់ ដោយសារតែសមត្ថភាពនៅក្នុងការសម្តែង និងភាពក្រមិចក្រមើមគួរឱ្យស្រលាញ់ផងដែរ។
ហើយកាលពីម្សិលមិញនេះ តារាសម្តែងស្រីសម្បូរប្រជាប្រិយភាពកញ្ញា មាន សូនីតា និងតារាសម្តែងកញ្ញា ម៉ាក សែនសូនីតា ក៏បានរួមការងារជាមួយគ្នា នៅក្នុងការថតរូបឱ្យសម្អាងការល្បីឈ្មោះមួយ ដោយមានការតុបតែងជាសម្លៀកបំពាក់ប្រពៃណីខ្មែរយ៉ាងស្រស់ស្អាត។
ទន្ទឹមនឹងនេះផងដែរ ក៏មានការតុបតែងខ្លួន នៅក្នុងឈុតសម្លៀកបំពាក់កូនក្រមុំពណ៌ស ទាក់ទាញភ្នែកអ្នកគាំទ្រយ៉ាងខ្លាំងផងដែរ។ ហើយពេលប៉ះសម្រស់គ្នានៅក្នុងឈុតប្រពៃណីខ្មែរ និងឈុតកូនក្រមុំបែបនេះ ធ្វើឱ្យតារាស្រីទាំងពីរដួងនេះទទួលបាននូវការចាប់អារម្មណ៍មិនស្ទើរទេពីអ្នកទស្សនា និងសរសើរអ្នកទាំងពីរមានសម្រស់ស្រស់ស្អាតមិនចាញ់គ្នានោះទេ។
ចុះប្រិយមិត្តវិញ ស្រលាញ់តារាស្រីមួយណាជាង? ឬស្រលាញ់ទាំងពីរនាក់?
ទស្សនារូបភាព និងវីដេអូខាងក្រោមនេះដូចតទៅ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]