ភ្នំពេញ៖ ម្ចាស់បទចម្រៀង «កែវភ្នែក» កូនប្រុសរូបស្រស់សង្ហាទាំងបីរបស់លោកព្រាប សុវត្ថិ គឺសុវត្ថិ សិរីវុឌ្ឍ សុវត្ថិ មុនីវណ្ណ និង សុវត្ថិ មុនីនាគ ហាក់ដូចជាគ្រាប់ពេជ្ររបស់ផលិតកម្មរស្មីហង្សមាសយ៉ាងដូច្នោះ។
ជាក់ស្តែង ចម្រៀងនីមួយៗរបស់គ្រាប់ពេជ្រទាំងបីនេះ គ្រាន់តែចេញភ្លាមទទួលបានការគាំទ្រខ្លាំងលើសពីការរំពឹងទុក ដូចជាបទដែលបើកឆាកចូលទ្រនំរួមជាមួយឪពុក «កែវភ្នែក» ដែលទទួលបានអ្នកទស្សនាជាង២លានដង។
ពេលនេះកូនប្រុសរបស់លោកក៏ចាប់ផ្តើមបញ្ចេញចម្រៀង ម្នាក់ឯងជាបន្តបន្ទាប់។ យ៉ាងណាមិញ ប្រិយមិត្តជាច្រើនប្រាកដជាបានស្តាប់ហើយថា ជារឿយៗ កូនរបស់លោកព្រាប សុវត្ថិ តែងតែច្រៀងចម្រៀង Cover បង្ហោះនៅក្នុងបណ្តាញសង្គម ដោយចម្រៀងនីមួយៗសុទ្ធតែជាបទបរទេសរបស់តារាចម្រៀងល្បីឈ្មោះ Justin Bieber។
មិនត្រឹមតែប៉ុណ្ណោះ អ្នកគាំទ្រជាច្រើនបានគិតថាសម្លេងរបស់កូនច្បង សុវត្ថិ មុនីវណ្ណ គឺស្រដៀងទៅនឹងJustin Bieber ទើបពួកគេបានបង្កើតជាវីដេអូមួយ ដែលដាក់ចម្រៀងដែលកូនរបស់លោកច្រៀងនិងបទរបស់ Justine Bieber។
ក្រោយពីបានទស្សនាវីដេអូមួយនេះរួច អ្នកគាំទ្រជាច្រើន ក៏ថាស្រដៀងជាមួយនឹងស្ទាយច្រៀងរបស់គេ តែអ្នកខ្លះពិតជាថាមិនដូចនោះទេ៕
ចុះប្រិយមិត្តវិញ យល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]