រាជធានីភ្នំពេញ ៖ តារាចម្រៀងកញ្ញា សុភ័ក្រ កុសុម៉ា មួយរយៈចុងក្រោយនេះលេចមុខខ្លាំងក្នុងពិភពសិល្បៈ តែក្នុងនាមជាពិធីការិនីច្រើនជាងអ្នកចម្រៀង ។ ពេលនេះមានអ្នកទាក់ទងឱ្យទៅច្រៀងសម្តែងនៅអាមេរិក ។
សុភ័ក្រ កុសុម៉ា កាលពីពេលថ្មីៗកន្លងមកបញ្ជាក់ថា នាងសម្តែងសិល្បៈតាំងពីតូចមកនាងទើបតែមានសំណើឱ្យទៅច្រៀងនៅអាមេរិកដែលជាប្រទេសមហាអំណាចមានតារាជាច្រើនចង់ទៅ ។ បច្ចុប្បន្នកិច្ចការផ្នែកពិធីការិនីនាងក៏មមាញឹក ដូច្នេះហើយឱកាសចាកចេញទៅអាមេរិកអាចប៉ះពាល់ដល់ការងារនោះ ។ មានចំណុចផ្សេងទៀតដែលនាងត្រូវពិចារណាដែរដូចជាបើទៅត្រូវសម្រួលការងារក្នុងស្រុកឱ្យហើយកុំឱ្យប៉ះពាល់កិច្ចសន្យា ។ ម្យ៉ាងយល់ថាអាមេរិកមានអ្នកសិល្បៈចេញទៅច្រើន ដូច្នេះទើបនាងមិនសូវចង់ទៅវិញហើយលេចឮថាការរកប្រាក់ក៏មិនសូវបាន ព្រោះជនរួមជាតិនៅទីនោះសន្សំប្រាក់ទ្រទ្រង់ជីវភាព ។
ទោះបីជាយ៉ាងណា សុភ័ក្រ កុសុម៉ា ថា នាងនឹងពិចារណាដើម្បីចាប់ឱកាសទៅអាមេរិកក្នុងន័យបម្រើអារម្មណ៍ជនរួមជាតិខ្មែរនៅទីនោះ ។ សុភ័ក្រ កុសុម៉ា ជាអតីតតារាចម្រៀងនៅក្នុងផលិតកម្មឆ្លងដែននិងរស្មីនាគមាសតាំងពីកុមារភាពជាមួយងួន ស្រីស ដែលបន្សល់ទុកនូវបទចម្រៀងជាច្រើន ។
សុភ័ក្រ កុសុម៉ា ធ្វើពិធីការិនីកាក់កបជាងអាជីពចម្រៀង ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
