ភ្នំពេញ៖ ថ្ងៃទី២៨ ខែមករា ពោលគឺកាលពីម្សិលមិញនេះ គឺជាថ្ងៃខួបកំណើតគម្រប់១៨ឆ្នាំ របស់តារាចម្រៀងស្រីវ័យក្មេង កូនពៅប្រចាំផលិតកម្ម រស្មីហង្សមាស ម្ចាស់បទ«ត្រូវការកម្លាំងចិត្ត» នោះគឺ កញ្ញា រ៉េត ស៊ូហ្សាណា ដែលនាងមានរៀបចំ អបអរថ្ងៃកំណើតរបស់ខ្លួន ជាមួយនឹងក្រុមគ្រួសារ ក៏ដូចជាមិត្តភក្តិ នៅឯគេហដ្ឋានផ្ទាល់ខ្លួន ដោយមានទាំងការច្រៀងរាំ និងញុំាអាហារ ដែលមើលទៅពិតជាសប្បាយរីករាយខ្លាំងមែនទែន។
ដោយឡែក នៅក្នុងពិធីអបអរកំណើតម្សិលមិញនេះផងដែរ ស្រាប់តែអ្នកគាំទ្រចាប់អារម្មណ៍ឃើញថា បាត់វត្តមានដៃគូស្និទ្ធស្នាល តារាចម្រៀងរូបសង្ហា លោក Step ដែលកន្លងមកគេតែងឃើញ អ្នកទាំងពីរទៅណាមកណាជាមួយគ្នា ប៉ុន្តែបែរជាមិនឃើញវត្តមានរបស់លោក Step ចូលរួមពិធីខួបកំណើតរបស់ហ្សាណាទៅវិញ។
ប៉ុន្តែអ្វីដែលរឹតតែចម្លែកចិត្តជាងនេះទៅទៀតនោះ គេបែរជាឃើញវត្តមានតារារ៉េបលោក ងួន ចាន់ដេវីត ដែលកន្លងមក លោកនិងហ្សាណាមិនធ្លាប់រួមការងារជាមួយគ្នាសោះ ប៉ុន្តែជាឃើញវត្តមានលោកចូលរួមថ្ងៃកំណើតហ្សាណា ថែមទាំងជាអ្នកសិល្បៈតែម្នាក់គត់ទៀតផង ដែលបានមកអបអរថ្ងៃកំណើតហ្សាណាដល់ផ្ទះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]