ទឹកចិត្តឪពុក ព្រាប សុវត្ថិ សុខចិត្តចាំឈរឃ្លាំមើល កូនប្រុសទាំង២ច្រៀង ទាល់តែចប់ ទាំងកណ្ដាលយប់អធ្រាត្រ! (មានវីដេអូ)

ភ្នំពេញ៖  ជារឿងមួយ ដែលគួរឲ្យកោតសរសេើរខ្លាំងណាស់ ចំពោះតារាចម្រៀងចាស់វស្សាប្រចាំផលិតកម្មរស្មីហង្សមាស លោក ព្រាប សុវត្ថិ  ដែលហ៊ានលះបង់អស់កម្លាំង កាយចិត្ត  មិនខ្លាចហត់នឿយ សុខចិត្តឈរចាំឃ្លាំមើលកូនប្រុសទាំងពីរ ច្រៀងទាល់តែចប់ ទាំងកណ្ដាលយប់អធ្រាត្រទៅហើយ។

បើយោងតាមវីដេអូឃ្លីបដែលកំពូលតារាចម្រៀងលំដាប់ជួរមុខប្រចាំប្រទេសរូបនេះ បានបង្ហោះលើគណនីហ្វេសប៊ុក គេឃើញទិដ្ឋភាពសម្ដែងរបស់តារាចម្រៀងវ័យក្មេងចំណូលថ្មី គឺ សុវត្ថិ មុនីវណ្ណ និង សុវត្ថិ មុនីនាគ  ក្នុងកម្មវិធីសម្ពោធក្លឹបរាត្រីមួយកន្លែងក្នុងរាជធានីភ្នំពេញ ដោយលោកព្រាប សុវត្ថិ ជាឪពុកបង្កើត ជាអ្នកឈរចាំថតសកម្មភាពកូនច្រៀងដោយផ្ទាល់ដៃតែម្ដង។

ទង្វើនេះបានបង្ហាញពីទំហំចិត្ត នៃការព្រួយបារម្ភ អមនឹងក្ដីស្រលាញ់យ៉ាងជ្រាលជ្រៅ ដែលឪពុក មានចំពោះកូន ជាហេតុធ្វើឲ្យ អ្នកគាំទ្រ អត់ទ្រាំមិនសរសើរមិនបាននោះទេ។

គួរបញ្ជាក់ផងដែរថា  នេះជាការសម្ដែងលើកទី១ របស់លោក សុវត្ថិ មុនីវណ្ណ និងលោកសុវត្ថិ មុនីនាគ  បន្ទាប់ពីពួកគេ បានឈានជើងចូលវិថីសិល្បៈតាមគន្លងឪពុក៕

ខាងក្រោមជាវីដេអូ សម្ដែងរបស់កូនប្រុស លោក ព្រាប សុវត្ថិ៖

• សុវត្ថិ មុនីវណ្ណ
• សុវត្ថិ មុនីនាគ
• ព្រាប សុវត្ថិ
• វីដេអូ
• តារាខ្មែរ