មណ្ឌលគិរី៖ កម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី 3 វគ្គ Theater Round 2 សប្ដាហ៍នេះ បានធ្វើឡើងលើទឹកដីខេត្ត មណ្ឌលគិរី ដែលជាទីកន្លែងមានអាកាសធាតុត្រជាក់ខ្លាំង ជាងខេត្តនានា ក្នុងប្រទេសកម្ពុជា។
ក្នុងវគ្គជម្រុះនេះដែរ មានបេក្ខភាព ដែលមានទេពកោសល្យជាច្រើនរូប ត្រូវមកបង្ហាញសមត្ថភាព ឲ្យគណៈកម្មការទាំង៤រូប វាយតម្លៃថាអាចបន្តទៅវគ្គក្រោយទៀតឬយ៉ាងណា។
ក្នុងចំណោមបេក្ខភាពជាច្រើនរូប យុវតីវ័យ១៦ឆ្នាំដែលជាជើងខ្លាំងមួយរូបដែរ គឺ កញ្ញា លីន សោម៉ា នឹងត្រូវចាប់ដៃគូច្រៀងជាមួយ ប្អូនស្រីវ័យស្របាលគ្នា គង់ កែវមរកត និងបកស្រាយបទ «មិនមែនសង្សារមិនអាចមើលថែបងជំនួសគេ» ជូន Judge ទាំង៤ស្ដាប់។
ស្របពេលអាកាសធាតុកំពុងធ្លាក់ខ្យល់ខ្លាំងបេក្ខនារីទាំងពីរ បានបង្ហើរសំនៀង យ៉ាងពិរោះ ក្រអួនក្រអៅ ដែលធ្វើឲ្យគណៈកម្មការ ស្ដាប់ហើយញញឹមបិទមាត់មិនជិត អមនឹងពាក្យកោតសរសើរ លើកទឹកចិត្ត ដល់អ្នកទាំងពីរទៀតផង។
ជាលទ្ធផលនោះ គឺអ្វីដែលបេក្ខនារីទាំងពីរ បានខិតខំប្រឹងប្រែងពិតជាទទួលបានផ្លែផ្កាគួរជាទីគាប់ចិត្ត បើទោះបីជាអាកាសធាតុ មិនអំណោយក៏ពិតមែណ តែយ៉ាងណាក៏ដោយ សោម៉ា និងមរកត នៅតែអាចឆក់បានបេះដូង Judge ទាំង៤ដែរ។
នេះជារឿងដ៏គួរឲ្យសរសើរខ្លាំងណាស់ សម្រាប់ក្មេងស្រីវ័យក្មេង ទាំងពីរ ដែលអាចមានឱកាសបន្តទៅប្រកួតនៅវគ្គក្រោយៗ ស្របពេលមានបេក្ខភាពដទៃទៀត ត្រូវបានជ្រុះចេញពីកម្មវិធីនេះជាបន្តបន្ទាប់៕
ចង់ដឹងប្អូនទាំងពីរ ច្រៀងពិរោះយ៉ាងណា? ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
